சவூதியை பின்னுக்கு தள்ளி, மிகப்பெரிய எண்ணெய் உற்பத்தி நாடாகியது அமெரிக்கா


சவூதி அரேபியா மற்றும் ரஷ்யாவை பின்தள்ளி அமெரிக்கா உலகின் மிகப்பெரிய எண்ணெய் உற்பத்தி நாடாக முதலிடத்தை பிடித்துள்ளது.


அமெரிக்கா கடந்த ஜுன் மற்றும் ஓகஸ்டில் ரஷ்யாவை விஞ்சியிருப்பதோடு, இந்த ஆண்டு ஆரம்பத்தில் சவூதி அரேபியாவை பின்தள்ளி இருப்பதாக ஆரம்பக்கட்ட கணிப்புகளின் அடிப்படையில் அமெரிக்க எரிசக்தி தகவல் நிர்வாகம் குறிப்பிட்டுள்ளது.


இந்த கணிப்பு சரியாகும்பட்சத்தில், 1973 ஆம் ஆண்டுக்கு பின்னர் அமெரிக்கா உலகின் மிகப்பெரிய எண்ணெய் உற்பத்தி நாடாக இருக்கும் என்று அரச தரவுகள் குறிப்பிட்டுள்ளன.


எனினும் எண்ணெய் உற்பத்தியில் ரஷ்யா மற்றும் சவூதியை அமெரிக்கா முந்தும் என்றபோதும் அது 2019 வரை சாத்தியம் இல்லை என்று எண்ணெய் நுகர்வு நாடுகளின் அமைப்பான சர்வதேச எரிசக்தி நிறுவனம் குறிப்பிட்டுள்ளது.


தொழில்நுட்ப வளர்ச்சியின் உதவியுடன் அமெரிக்காவின் எண்ணெய் உற்பத்தி அண்மைய ஆண்டுகளில் அதிகரித்துள்ளது.


இந்நிலையில் கடந்த ஓகஸ்டில் ரஷ்யா நாளொன்றுக்கு 10.8 மில்லியன் பீப்பாய் எண்ணெயை உற்பத்தி செய்திருப்பதோடு அதுவே அமெரிக்கா நாளுக்கு 10.9 மில்லியன் பீப்பாய் எண்ணெயை உற்பத்தி செய்திருப்பதாக அமெரிக்க எரிசக்தி தகவல் நிர்வாகம் கணித்துள்ளது. இதுவே சவூதி அரேபியா 10.4 மில்லியன் பீப்பாய் எண்ணெயையே நாளொன்றுக்கு உற்பத்தி செய்துள்ளது. எனினும் கடந்த இரண்டு தசாப்தத்திற்கு மேலான காலத்தில் எண்ணெ உற்பத்தியில் அமெரிக்கா கடந்த பெப்ரவரியை சவூதி அரேபியாவை விஞ்சியுள்ளது.


இதன்படி அமெரிக்கா இந்த ஆண்டு மற்றும் 2019 ஆம் ஆண்டிலும் எண்ணெய் உற்பத்தியில் சவூதி மற்றும் ரஷ்யாவை விஞ்சி நிற்க திட்டமிட்டுள்ளது.