Breaking

Friday, November 23, 2018

அவுஸ்திரேலியாவில் இராட்சத புழுதிப்புயல்




தென் கிழக்கு அவுஸ்திரேலியாவை இராட்சத புழுதிப் புயல் மூடியிருப்பதோடு, வானம் செம்மஞ்சளாக மாற்றமடைந்து காணப்படுகிறது. இங்கு காற்றுத் தரம் பற்றிய கவலை ஏற்பட்டுள்ளது.

500 கிலோமீற்றர் விரிந்த புழுதி சிட்னி நகரை நோக்கி நகர்வதால் அந்த நகரில் சுகாதார எச்சரிக்கை ஒன்று விடுக்கப்பட்டுள்ளது. நியூ செளத் வேல்ஸின் வேறு பிராந்தியங்களில் பார்க்க முடியாத அளவுக்கு புழுதி சூழ்ந்துள்ளது.

உளர்ந்த மண்ணை கிளப்பியபடி புயல் வீசுவதாக அதிகாரிகள் குறிப்பிட்டுள்ளனர். கடந்த ஓகஸ்ட் தொடக்கம் நியூ சவுத் வேல்ஸ் பிராந்தியம் எங்கும் நீடிக்கு வரட்சி, நிலைமையை இன்னும் மோசமாக்கி இருப்பதாக அவுஸ்திரேலிய வானிலை ஆராய்ச்சி நிலையம் குறிப்பிட்டுள்ளது.





குறிப்பாக சிறுவர்கள், வயதானவர்கள் மற்றும் சுவாசப் பிரச்சினை கொண்டவர்கள் உள்ளுர் மக்கள் உள்ளே இருக்கும்படி சுகாதார அதிகாரிகள் எச்சரித்துள்ளனர்.

2009 ஆம் ஆண்டு சிட்னி நகரை தாக்கிய புழுதிப் புயலுடன் தற்போதைய சூழலை ஒப்பிட ஆரம்பித்துள்ளனர். அந்த நிகழ்வின்போது நூற்றுக்கணக்கான மக்கள் சுவாசிப்பதில் சிரமத்தை சந்தித்ததோடு பல விமானங்களும் தரையில் நிறுத்தப்பட்டன.