Drop Down MenusCSS Drop Down MenuPure CSS Dropdown Menu

சவூதியில் ஆண் இரகசிய விவாகரத்து முறை முடிவு





சவூதி அரேபிய பெண்கள் தமது சொந்த விவாகரத்து தொடர்பில் தெரிந்து கொள்வதற்கு புதிய ஒழுங்குமுறை ஒன்றை செயல்படுத்தியுள்ளது.

பெண்கள் தமது விவாகரத்து பற்றி உறுதி செய்துகொள்வதற்கு நீதிமன்றங்கள் தீர்ப்பு தொடர்பில் குறித்த பெண்களுக்கு குறுந்தகவல் அனுப்ப கோரப்பட்டுள்ளது. இந்த நடைமுறை நேற்று முதல் அமுலுக்கு வந்தது.





இந்த நடவடிக்கை மூலம் தமது மனைவிக்கு தெரியாமல் அவர்களை ஆண்கள் விவாகரத்துச் செய்யும் இரகசிய விவாகரத்து என்று அறியப்படும் நடைமுறை முடிவுக்கு வருவதாக பெண் வழக்கறிஞர் ஒருவர் குறிப்பிட்டுள்ளார்.

இந்த முடிவு, பெண்கள் தங்களின் திருமண நிலை குறித்த முழு விவரத்தை அறிந்திருக்க உதவுவதோடு, ஜீவனாம்சத்திற்கான தங்களின் உரிமைகளை காத்துக்கொள்ளவும் உதவும். உள்நாட்டு பத்திரிகையான ஒக்காஸிற்கு பேட்டியளித்துள்ள வழக்கறிஞர் சமியா அல்-ஹிந்தி, தங்களுக்கு தெரியாமலேயே விவாகரத்து வழங்கப்பட்டுவிட்டதாகக் கூறி, பல பெண்கள் நீதிமன்றத்தில் மேல்முறையீடு செய்துள்ளனர் என்று கூறியுள்ளார்.
Read more »

ரஷ்ய அழகியுடன் திருமணம்: முடிதுறந்தார் மலேசிய மன்னர்





மலேசிய மன்னர், சுல்தான் ஐந்தாவது முஹமது வரலாற்றில் முதல்முறையாக எதிர்பாரா வகையில் முடிதுறந்துள்ளார்.

60 ஆண்டுகளுக்கு முன்னர் பிரிட்டனில் இருந்து விடுதலை பெற்றது தொடக்கம் எந்த ஒரு மலேசிய மன்னரும் முடிதுறந்ததில்லை. இந்நிலையில் மன்னரின் பதவி விலகலுக்கு எந்த விளக்கமும் அளிக்கப்படாத நிலையில் அவரது இராஜினாமா உடன் அமுலுக்கு வருவதாக அறிவிக்கப்பட்டுள்ளது.

49 வயதான சுல்தான் ஐந்தாம் முஹமது ரஷ்ய அழகி ஒருவரை திருமணம் முடித்தது குறித்த செய்திகள் பரவி வரும் நிலையிலேயே அவரது இராஜினாமா இடம்பெற்றுள்ளது.





மருத்துவ விடுமுறையில் கடந்த நவம்பரில் மன்னர் வெளிநாடு சென்ற நிலையில், ரஷ்ய தலைநகர் மொஸ்கோவில், மொஸ்கோ அழகியை அவர் திருமணம் புரியும் புகைப்படம் ஒன்று வெளியானது.

இந்த செய்தி குறித்து அதிகாரிகள் எந்த பதிலும் அளிக்கவில்லை.

மலேசியாவின் தனித்துவமான சுழற்சி முறையின் அடிப்படையில், ஒன்பது அரச குடும்பங்களைச் சேர்ந்தோர் ஐந்தாண்டுகளுக்கு ஒருமுறை மாமன்னராக நியமிக்கப்படுவர்.
Read more »

சிரியாவில் இருந்து அமெரிக்கா வெளியேற புதிய நிபந்தனைகள்




சிரியாவில் இருந்து அமெரிக்க துருப்புகள் வெளியேறுவது சில நிபந்தனைகளில் தங்கி இருப்பதாக குறிப்பிட்டிருக்கும் அமெரிக்க தேசிய பாதுகாப்பு ஆலோசகர் ஜோன் போல்டன், இந்த செயற்பாடு தாமதமடையும் சமிக்ஞைகளையும் வெளிப்படுத்தியுள்ளார்.

இஸ்ரேல் மற்றும் துருக்கிக்கு சுற்றுப்பயணம் மேற்கொண்டு வரும் போல்டன், வடக்கு சிரியாவில் குர்திஷ்களின் பாதுகாப்பு குறித்து துருக்கியின் உத்தரவாதத்தை கோரியதாக குறிப்பிட்டுள்ளார். அதேபோன்று இஸ்ரேல் பாதுகாப்பு குறித்தும் உறுதி செய்ய வேண்டி இருப்பதாக தெரிவித்துள்ளார்.

இஸ்லாமிய அரசு (ஐ.எஸ்) குழுவின் எஞ்சிய பகுதிகளும் தோற்கடிக்கப்பட்டது உறுதி செய்யப்பட வேண்டி இருப்பதாகவும் அவர் கூறியுள்ளார்.





சிரியாவில் இருந்து அமெரிக்க துருப்புகளை வாபஸ் பெரும் அமெரிக்க ஜனாதிபதி டொனால்ட் டிரம்பின் முடிவு கடும் விமர்சனத்திற்கு உள்ளானது. ஐ.எஸ் தோற்கடிக்கப்பட்டதாகவும் அவர் குறிப்பிட்டிருந்தார்.

எனினும் அமெரிக்க துருப்புகள் எப்போது வாபஸ் பெறுவது என்பது பற்றி தொடர்ந்து கேள்வி எழுப்பப்பட்டு வந்தது. இந்நிலையில் போல்டனின் அறிவிப்பு துருப்புகள் வாபஸ் பெறுவது தாமதமாகும் என்பதை உறுதி செய்வதாக உள்ளது.
Read more »

ஹமாஸ் இலக்குகள் மீது இஸ்ரேல் அதிரடி தாக்குதல்




இஸ்ரேல் மீதான ரொக்கெட் தாக்குதலுக்கு பதிலடியாக காசாவில் ஹமாஸ் இலக்குகள் மீது இஸ்ரேல் இராணுவம் நேற்று தாக்குதல் நடத்தியுள்ளது.

வடக்கு காசாவில் இருக்கும் இராணுவ தளம் ஒன்று இலக்கு வைக்கப்பட்டாக இஸ்ரேல் இராணுவம் குறிப்பிட்டுள்ளது. இஸ்ரேலின் அஷ்கலோன் நகர் மீது ஞாயிறு இரவு இடம்பெற்ற ரொக்கெட் தாக்குதலை தொடர்ந்தே இந்த தாக்குதல் நடத்தப்பட்டுள்ளது.

எனினும் இந்த ரொக்கெட் குண்டு இஸ்ரேலிய வான் பாதுகாப்பு அமைப்பு மூலம் இடைமறித்து அழிக்கப்பட்டுள்ளது. எனினும் இந்த சம்பவங்களில் இரு தரப்பிலும் எவருக்கும் பாதிப்பு ஏற்பட்டதாக உறுதி செய்யப்படவில்லை.





இஸ்ரேல் மற்றும் காசா இடையில் மற்றொரு பாரிய மோதல் ஒன்றை தூண்டும் வகையில் பரஸ்பரம் தாக்குதல்கள் இடம்பெற்று இரண்டு மாதங்களிலேயே மீண்டும் இந்த மோதல் வெடித்துள்ளது. கடந்த ஒரு தசாப்தத்தில் இஸ்ரேல் மற்றும் ஹமாஸ் மூன்று பாரிய யுத்தங்களில் ஈடுபட்டுள்ளன.

ஹமாஸ் ஆட்சியில் உள்ள காசாவில் இருந்து நடத்தப்படும் ரொக்கெட் தாக்குதல்களுக்கு அந்த அமைப்பே பொறுப்பேற்க வேண்டும் என்று இஸ்ரேல் குற்றம்சாட்டுகிறது.
Read more »

3,000 அவுஸ்திரேலியரை தாக்கிய ஜெல்லி மீன்கள்





அவுஸ்திரேலியாவின் வடகிழக்குப் பகுதியிலுள்ள கடற்கரைகளில் சுமார் 3,000 பேரை நச்சுத்தன்மை கொண்ட ஜெல்லி மீன்கள் தாக்கியுள்ளன.

இதனால் கோல்ட் கோஸ்ட், சன்ஷைன் கோஸ்ட் வட்டாரங்களில் உள்ள கடற்கரைகளை மூட வேண்டிய நிலை ஏற்பட்டிருப்பதாக அதிகாரிகள் தெரிவித்துள்ளனர். ஜெல்லி மீன்களால் இதுவரை 3,595 பேர் தாக்கப்பட்டுள்ளதாகக் கடலோரக் காவலர்கள் சங்கம் கூறியது. வடகிழக்கிலிருந்து வீசும் பலத்த காற்றால் ஜெல்லி மீன்கள் கடலில் மக்கள் நீந்தும் பகுதிக்கு வந்துள்ளன.
Read more »

நாட்டில் இருந்து தப்பிய சவூதி பெண் பாங்கொக்கில் நிர்க்கதி




பாங்கொக் விமானநிலையத்தில் தடுத்து வைக்கப்பட்டிருக்கும் சவூதி அரேபிய பெண் ஒருவர் தான் திருப்பி அனுப்பப்பட்டால் கொலை செய்யப்படக்கூடும் என முறையிட்டுள்ளார்.

தனது குடும்பத்தினர் தம்மை உடல் மற்றும் உளரீதியாக துஷ்பிரயோகத்திற்கு உள்ளாக்குவதாக 18 வயதான ரஹாப் முஹமது அல்குனூன் என்ற அந்த யுவதி குறிப்பிட்டுள்ளார்.

தனது குடும்பத்தினருடன் குவைட்டுக்கு விடுமுறைக்கு சென்றபோதே இரண்டு நாட்களுக்கு முன் அவர்களிடம் இருந்து தப்பி வந்துள்ளார். அவர் பாங்கொக்கில் இருந்து அவுஸ்திரேலியா பயணிக்க முயன்றுள்ளார்.

தான் இஸ்லாத்தை துறந்ததாக பி.பி.சி தொலைக்காட்சிக்கு குறிப்பிட்டிருக்கும் அந்த யுவதி, தாம் வலுக்கட்டாயமாக சவூதிக்கு திருப்பி அனுப்பப்பட்டால் தனது குடும்பத்தினர் தம்மை கொன்றுவிடுவார்கள் என்று குறிப்பிட்டுள்ளார்.

எனினும் அவரிடம் திரும்பிச் செல்வதற்கான பயணச் சீட்டு இல்லாததாலேயே பாங்கொக்கில் தடுத்து வைக்கப்பட்டிருப்பதாக அங்குள்ள சவூதி தூதரகம் குறிப்பிட்டுள்ளது. அவரது குடும்பத்தினர் இருக்கும் குவைட்டுக்கு அவர் நாடுகடத்தப்படவுள்ளார் என்றும் அது கூறியுள்ளது.





தன்னிடம் அவுஸ்திரேலிய விசா இருப்பதாக கூறிய அல்குனூன் சுவர்ணபூமி விமானநிலையத்தில் அவுஸ்திரேலியாவுக்குச் செல்லும் விமானத்தை பிடிக்க முயன்றபோது தன்னைச் சந்தித்த சவூதி அதிகாரி தனது கடவுச்சீட்டை பறிமுதல் செய்ததாக தெரிவித்துள்ளார்.

எனினும் அவர் நாடுகடத்தப்படக் கூடாது என மனித உரிமை கண்காணிப்புக் குழு அழுத்தம் கொடுத்துள்ளது.

இந்நிலையில் அந்த யுவதி பாங்கொக் விமானநிலையத்தில் உள்ள தனது ஹோட்டல் அறையில் பாதுகாப்பு தடையுடன் தங்கியுள்ளார். அதிகாரிகள் அவரது ஹோட்டல் அறைக்கு வெளியில் காத்துள்ளனர்.

குவைட் நகரை நோக்கி பயணிக்கும் விமானத்தில் ஏற அவர் மறுத்து வருகிறார்.
Read more »

இலங்கை அரசியலில் இன்னுமொரு அதிர்ச்சி தரும் அறிவிப்பு…!! வெள்ளிக்கிழமை வெளியாகப் போகும் முக்கிய சங்கதி….!!

ஜனாதிபதி தேர்தல் விரைவில் நடத்தப்படும் என்றும் அதற்கான வர்த்தமானி அறிவித்தல் எதிர்வரும் வெள்ளியன்று வெளியாகும் என்றும் நம்பத்தகுந்த வட்டாரங்கள் தெரிவிக்கின்றன.அண்மையில் இடம்பெற்ற அரசியல் ஸ்திரமற்ற நிலையை தொடர்ந்து பலரும் தேர்தலை நடத்துமாறு கோரி வருகின்றனர்.குறிப்பாக மஹிந்த சார்பு காட்சிகள் பொது தேர்தலையும் மாகாண சபை தேர்தலையும் விரைவில் நடத்துமாறு கூறி வருகின்ற நிலையில், ஐக்கிய தேசிய கட்சி மற்றும் சில சிறுபான்மை கட்சிகளும் ஜனாதிபதி தேர்தலை நடத்த வேண்டும் என்ற கோரிக்கையை விடுத்துள்ளன.


இருப்பினும் இந்த ஆண்டு தேர்தல் ஆண்டு என இரு தரப்பினரும் கூறி வருகின்ற நிலையில், ஜனாதிபதி தேர்தலை நடத்துவதற்கான வர்த்தமானி எதிர்வரும் வெள்ளிக்கிழமை வெளியாகவுள்ளது என தகவல்கள் தெரிவிக்கின்றன.

மேலும், கடந்த 31 ஆம் திகதி அனைத்து மாகாண ஆளுநர்களையும் பதவி விலகுமாறு உத்தரவிட்ட ஜனாதிபதி கடந்த இரு வாரங்களில் 8 மாகாணங்களுக்கு புதிய ஆளுநர்களை நியமித்தார்.குறித்த விடயமும் ஜனாதிபதியின் தேர்தலுக்கான அடுத்தகட்ட நடவடிக்கையாக இருக்க கூடும் என்றும் அரசியல் பிரமுகர்கள் கருத்து தெரிவித்திருந்தமை குறிப்பிடத்தக்கது.
Read more »

இந்தோனேசியாவின் பப்புவாவில் 24 தொழிலாளர் சுட்டுக் கொலை



இந்தோனேசியாவின் கிழக்கு பப்புவா மாகாணத்தில் துப்பாக்கிதாரி நடத்திய துப்பாக்கிச் சூட்டில் குறைந்தது 24 கட்டட தொழிலாளர்கள் பலியாகினர்.
Read more »

சவூதி முடிக்குரிய இளவரசருக்கு எதிராக செனட்டர்கள் கருத்து




பத்திரிகையாளர் ஜமால் கசோக்கி கொலையில் சவூதி முடிக்குரிய இளவரசர் முகமது பின் சல்மானுக்கு தொடர்பு இருப்பதாக அமெரிக்க செனட்டர் லிண்ட்சே கிரஹாம் கூறி உள்ளார்.

குடியரசு கட்சியைச்
Read more »

அமெரிக்காவுடனான உடன்பாட்டை அமுல்படுத்துவதற்கு சீனா உறுதி




அமெரிக்காவுடன் எட்டப்பட்ட வர்த்தக உடன்பாடுகளை கூடிய விரைவில் அமுல்படுத்த முடியும் என சீன அதிகாரிகள் உறுதி அளித்துள்ளர். எனினும் அதனை அமுல்படுத்துவது எவ்வாறு என்பது பற்றி எந்த விபரமும் வெளியிடப்படவில்லை.
Read more »

ஈரானில் தற்கொலை தாக்குதல்: மூவர் பலி; 24 பேருக்கு காயம்




ஈரானின் தென்கிழக்கு துறைமுக நகரான சபஹாரில் பொலிஸ் தலைமையக கட்டிடத்தில் இடம்பெற்ற தற்கொலை தாக்குதலில் குறைந்தது 3 பேர் கொல்லப்பட்டதோடு மேலும் 24 பேர்
Read more »

அமெரிக்க இராணுவ விமானங்கள் விபத்து: ஆறு பேரை காணவில்லை





தெற்கு ஜப்பானில் இரண்டு அமெரிக்க இராணுவ விமானங்கள் விபத்துக்குள்ளானதில் 6 வீரர்கள் மாயமாகி உள்ளனர். ஒருவர் மீட்கப்பட்டுள்ளார். மீட்புப் பணியில் ஜப்பான் கடற்படை வீரர்கள் ஈடுபட்டுள்ளதாக அமெரிக்க மற்றும் ஜப்பான் அதிகாரிகள் தெரிவித்துள்ளனர்.

வழக்கமான பயற்சிக்காக 2 பேருடன் சென்ற எப் –18 பைட்டர், 5 பேருடன் சென்ற கேசி–130 டேங்கர் ஆகிய இரண்டு விமானங்களும், தெற்கு ஜப்பான் கடற்கரையில் உள்ள எண்ணைய் நிரப்பும் நிலையத்துக்கு சென்று எண்ணைய் நிரப்பிக் கொண்டு புறப்பட்டபோது ஜப்பான் கடற்கரையின் மியோட்டோவில் இருந்து சுமார் 200 மைல் தொலைவில் விபத்துக்குள்ளானது.





இதில், ஒரு விமானி மட்டும் மீட்கப்பட்டுள்ளார். ஏனைய 6 பேரின் நிலைமை குறித்த தகவல் இதுவரை வெளியாகவில்லை. அவர்களை மீட்கும் பணியில், ஜப்பான் கடற்படை தீவிரமாக ஈடுபட்டுள்ளதாக அமெரிக்க கடற்படையினர் தெரிவித்துள்ளனர்.

இந்நிலையில், உடனடியாக மீட்புப் பணியில் ஈடுபட்டுள்ள ஜப்பான் பாதுகாப்பு படையினருக்கு நன்றி தெரிவத்துள்ளதுடன், விபத்துக்கான சூழல் மற்றும் காரணம் பற்றி விசாரணை நடந்து வருவதாக தெரிவித்துள்ளனர்.
Read more »