ரிஷாத் பதியுதீனுக்கு எதிராக போராட்டம் : ரத்ன தேரர்

ரிஷாத் பதியுதீனுக்கு எதிராக போராட்டம் : ரத்ன தேரர்

Posted by செய்திகள் on July 30, 2019

மீண்டும் அமைச்சு பதவியினை பொறுப்பேற்றுள்ள அமைச்சர் ரிஷாத் பதியுதீனுக்கு எதிராக அஹிம்சைவழியிலான போராட்டத்தை முன்னெடுக்கவுள்ளதுடன், ஜனாதிபதி உட்பட அரசாங்கம் விரைவாகமாற்றியமைக்கப்பட வேண்டும் என பாராளுமன்ற உறுப்பினர் அத்துரலியே ரத்ன தேரர் தெரிவித்தார்.ராஜகிரியவில் உள்ள அவரது அலுவலகத்தில் நேற்று திங்கட்கிழமை இரவு இடம் பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் அவர் மேற்கண்டவாறு குறிப்பிட்டார்.

நாடு தொடர்பில் அரசாங்கததிற்கு எவ்வித அக்கறையும் கிடையாது. முஸ்லிம் சமூகத்தின் வாக்குகளை பெற்றுக் கொள்வதற்காகவே பதவி துறந்த பாராளுமன்ற உறுப்பினர் ரிஷாத் பதியுதீனுக்கு மீண்டும் அமைச்சு பதவியை வழங்கியுள்ளது.

இச்செயற்பாட்டிற்கு எதிராக அஹிம்சை வழியிலான போராட்டத்தை முன்னெடுக்க தீர்மானித்துள்ளோம் என அவர் மேலும் தெரிவித்தார்.

Read more »

ரிஷாத் பதியுதீனுக்கு எதிராக போராட்டம் : ரத்ன தேரர்

ரிஷாத் பதியுதீனுக்கு எதிராக போராட்டம் : ரத்ன தேரர்

Posted by WeligamaNews on July 30, 2019

மீண்டும் அமைச்சு பதவியினை பொறுப்பேற்றுள்ள அமைச்சர் ரிஷாத் பதியுதீனுக்கு எதிராக அஹிம்சைவழியிலான போராட்டத்தை முன்னெடுக்கவுள்ளதுடன், ஜனாதிபதி உட்பட அரசாங்கம் விரைவாகமாற்றியமைக்கப்பட வேண்டும் என பாராளுமன்ற உறுப்பினர் அத்துரலியே ரத்ன தேரர் தெரிவித்தார்.ராஜகிரியவில் உள்ள அவரது அலுவலகத்தில் நேற்று திங்கட்கிழமை இரவு இடம் பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் அவர் மேற்கண்டவாறு குறிப்பிட்டார்.

நாடு தொடர்பில் அரசாங்கததிற்கு எவ்வித அக்கறையும் கிடையாது. முஸ்லிம் சமூகத்தின் வாக்குகளை பெற்றுக் கொள்வதற்காகவே பதவி துறந்த பாராளுமன்ற உறுப்பினர் ரிஷாத் பதியுதீனுக்கு மீண்டும் அமைச்சு பதவியை வழங்கியுள்ளது.

இச்செயற்பாட்டிற்கு எதிராக அஹிம்சை வழியிலான போராட்டத்தை முன்னெடுக்க தீர்மானித்துள்ளோம் என அவர் மேலும் தெரிவித்தார்.

Read more »

பெயரை மாற்றும் ஞானசார தேரர் ; இது தான் காரணம்

பெயரை மாற்றும் ஞானசார தேரர் ; இது தான் காரணம்

Posted by செய்திகள் on July 30, 2019

கலகொட அத்தே ஞானசார தேரரின் பெயரை சமூக வலைதளத்தின் ஊடாக பயங்கரவாதி என அறிந்ததினால்" ஞானசார" என்ற சொல்லை பேஸ்புக் தடை செய்துள்ளது


பொதுபல சேனா அமைப்பின் செயலாளர் கலகொட அத்தே ஞானசார தேரர் தனது பெயரை மாற்றிக்கொள்ள நேரிட்டுள்ளதாக அந்த அமைப்பின் தலைவர் டிலந்த விதானகே தெரிவித்துள்ளார்.

பேஸ்புக் நிறுவனம் ஞானசார தேரரின் பெயரை தடை செய்துள்ளதே இதற்கு காரணம் என அவர் மேலும் தெரிவித்துள்ளார்.

இது குறித்து மேலும் தெரிவிக்கையில்,

கலகொட அத்தே ஞானசார என்ற பெயரை பேஸ்புக்கில் பதிவிடும் போது அது தடுக்கப்படுகிறது. இதன் காரணமாக அவரது பெயரை மாற்ற தீர்மானித்துள்ளோம். இதனால், இனிவரும் காலங்களில் ஞானசார தேரர், “எமது பிக்கு” என்ற புனைப் பெயரில் அழைக்கப்படுவார் எனவும் டிலந்த விதானகே குறிப்பிட்டுள்ளார்.

ஆத்திரமூட்டும் பயங்கரவாதிகளின் பதிவுகளை பேஸ்புக் நிறுவனம் தடை செய்துள்ளது. கலகொட அத்தே ஞானசார என்ற வார்த்தை ஆத்திரமூட்டும் வார்த்தை என பேஸ்புக் நிறுவனத்திற்கு இலங்கையில் உள்ள இணைப்பதிகாரிகள் பரிந்துரைத்துள்ளனர்.

இதன் காரணமாகவே அவரது பெயர் பதிவிடும் போது அதனை பேஸ்புக் வலைத்தளம் ஏற்றுக்கொள்ளாது தடுப்பதாக தகவல் தொழிற்நுட்ப வல்லுநர்கள் தெரிவித்துள்ளனர்

Read more »

பெயரை மாற்றும் ஞானசார தேரர் ; இது தான் காரணம்

பெயரை மாற்றும் ஞானசார தேரர் ; இது தான் காரணம்

Posted by WeligamaNews on July 30, 2019

கலகொட அத்தே ஞானசார தேரரின் பெயரை சமூக வலைதளத்தின் ஊடாக பயங்கரவாதி என அறிந்ததினால்" ஞானசார" என்ற சொல்லை பேஸ்புக் தடை செய்துள்ளது


பொதுபல சேனா அமைப்பின் செயலாளர் கலகொட அத்தே ஞானசார தேரர் தனது பெயரை மாற்றிக்கொள்ள நேரிட்டுள்ளதாக அந்த அமைப்பின் தலைவர் டிலந்த விதானகே தெரிவித்துள்ளார்.

பேஸ்புக் நிறுவனம் ஞானசார தேரரின் பெயரை தடை செய்துள்ளதே இதற்கு காரணம் என அவர் மேலும் தெரிவித்துள்ளார்.

இது குறித்து மேலும் தெரிவிக்கையில்,

கலகொட அத்தே ஞானசார என்ற பெயரை பேஸ்புக்கில் பதிவிடும் போது அது தடுக்கப்படுகிறது. இதன் காரணமாக அவரது பெயரை மாற்ற தீர்மானித்துள்ளோம். இதனால், இனிவரும் காலங்களில் ஞானசார தேரர், “எமது பிக்கு” என்ற புனைப் பெயரில் அழைக்கப்படுவார் எனவும் டிலந்த விதானகே குறிப்பிட்டுள்ளார்.

ஆத்திரமூட்டும் பயங்கரவாதிகளின் பதிவுகளை பேஸ்புக் நிறுவனம் தடை செய்துள்ளது. கலகொட அத்தே ஞானசார என்ற வார்த்தை ஆத்திரமூட்டும் வார்த்தை என பேஸ்புக் நிறுவனத்திற்கு இலங்கையில் உள்ள இணைப்பதிகாரிகள் பரிந்துரைத்துள்ளனர்.

இதன் காரணமாகவே அவரது பெயர் பதிவிடும் போது அதனை பேஸ்புக் வலைத்தளம் ஏற்றுக்கொள்ளாது தடுப்பதாக தகவல் தொழிற்நுட்ப வல்லுநர்கள் தெரிவித்துள்ளனர்

Read more »

சதந்திரனில் முதல் முதலில் காலடி வைத்ததாக கூறி ஏமாற்றி இன்றுடன் 50 வருடங்கள்

சதந்திரனில் முதல் முதலில் காலடி வைத்ததாக கூறி ஏமாற்றி இன்றுடன் 50 வருடங்கள்

Posted by WeligamaNews on July 20, 2019

GPS உட்பட குறிப்பிடத்தக்க எந்தவொரு தொழிநுட்பமும் இல்லாத இற்றைக்கு சுமார் 50 வருடங்களுக்கு முன்னால் இதே நாளில் (20.07.1969) அமெரிக்காவை சேர்ந்த நீல் ஆம்ஸ்றோங்க் சகோதரர்கள் சந்திரனில்  முதன்முதலாக காலடி வைத்ததாக அறிவிக்கப்பட்டது.

அது தொடர்பான புகைப்படங்களும் அபோது வெளியிடப்பட்டு பாட புத்தகங்களிலும் அது பதிவாகி கற்பிக்கப்பட்டது.

பூமியிலிருந்து சுமார் 384400 km தொலைவிலுள்ள சந்திரனில் சுமார் 50 வருடங்களுக்கு முன்னால் காலடி வைக்க முடிந்த அமெரிக்க விஞ்ஞானத்தால் அதி நவீன தொழிலுட்பம் நிறைந்த இன்றைய காலத்தில் கட்டத்தில் அதே சந்திரனில் நேரடியாக தரையிறங்கி அதில் இருப்பது மண்ணா, கற்பாறையா, வெள்ளியா தங்கமா என்பதை இதுவரை கண்டுபிடிக்க முடியவில்லை என்பதே உண்மை.

இன்னும் சொல்லப்போனால் சந்திரனில் இருந்தல்ல சந்திரனுக்கு அப்பால் ஒரு 10 கிலோ மீற்றர் தூரத்தில் இருந்தேனும் சந்திர மண்டலத்தை குளோஸ்அப் படம் பிடித்து காட்ட முடியவில்லை.

விண்வெளியில் வைத்து அதிநவீன கமெராக்கள் மூலம் பிடித்த படங்களையே இன்னும் எடிற் செய்து கண்பித்து கொண்டிருக்கிறார்கள்.

தனது ஆளுமையை அல்லது வல்லரசை உலகுக்கு பறைசாற்ற இதுபோன்ற திட்டமிடப்பட்ட கதைகளை விஞ்ஞானத்தின் பெயரால் கட்டவிழ்த்து விட்டிருக்கலாம் என்ற சந்தேகமும் இல்லாமலில்லை.

அப்போது விட்ட கதை போன்று இப்போதும் ஒரு புதிய புதிர் விடப்பட்டுள்ளது.

பூமிக்கு மிக அருகிலுள்ள சந்திரனை முழுமையாக ஆராய்ச்சி செய்ய முடியாத விஞ்ஞானம் சந்திரனையும் தாண்டி சுமார்  54.6 மில்லியன் km தொலைவிற்கு அப்பாலுள்ள செவ்வாய் கிரகத்தில் மிக விரைவில் மனிதனை குடியேற்ற போவதாக அறிவித்திருப்பதுதான் மற்றுமொரு புதிர்.

துல்லியமான பல கணிப்புக்களை விஞ்ஞானம் கண்டிருந்த போதிலும் பல புதிர்களுக்கு இதுவரை விடை காணவே முடியவில்லை.

54.6 மில்லியன் km தொலைவிற்கப்பால் உள்ள செவ்வாய் கிரகத்தை அணுகி  ஆராய்ச்சி செய்யும் விஞ்ஞானம் இங்கு பூமியின் சிறியதொரு பரப்பில் பயணிகளுடன் பறந்து காணாமல் போகும் பல விமானங்களை இதுவரை கண்டு பிடிக்கவே முடியவில்லை என்பதுவும் பாரிய பலவீனம்தான்.

கடந்த சில வருடத்திற்கு முன்னால் ஒரு சில ஆயிரம் அடிகள் உயரத்தில் பறந்து சுமார் 200 பேருடன் காணாமல் போன மலேசிய விமானத்தை அதிநவீன தொழினுட்பங்களுடன் வருட கணக்கில் தேடுதல் நடத்தியும் இதுவரை கண்டு பிடிக்கவே முடியவில்லை.

அது கடலில் விழுந்ததா? காட்டிற்குள் விழுந்ததா என்பதை கூட விண்வெளியில் விடப்பட்டிருக்கும் சட்லைட்கள் மூலமேனும் கண்டு பிடிக்க முடியாமல் போனது பெருத்த பலவீனமாகும்.

நில அதிர்வுகள் ஏற்படும் வரையில் அது பற்றி விஞ்ஞானத்தால் எதிர்வு கூறவே முடியாது!

சுனாமி எங்கு எத்தனை மணிக்கு தாக்கும் என்பதையும் துல்லியப்படுத்த முடியாது.

இவ்வளவு நவீன காலத்தில் இத்தனை பலவீங்களை வைத்துக்கொண்டு நவீனமே இல்லாத 50 வருடங்களுக்கு முன்னால் சந்திரனில் கால் பதித்து மீண்டும் பாதுகாப்பாக பூமிக்கு திரும்பி வந்ததாக அமெரிக்கா விட்ட கதையை எந்த விஞ்ஞானத்தை வைத்து ஏற்றுக்கொள்வது??

-Almashoora Breaking News

Read more »

தென்மாகாண தமிழ் மொழி மூல பட்டதாரி ஆசிரிய நியமனத்தில் இடம்பெற்று வரும் அராஜகங்கள்!

தென்மாகாண தமிழ் மொழி மூல பட்டதாரி ஆசிரிய நியமனத்தில் இடம்பெற்று வரும் அராஜகங்கள்!

Posted by WeligamaNews on July 14, 2019

கடந்த சில நாட்களுக்கு முன்னர் தான் தென்மாகாணத்திற்கான தமிழ்மொழி மூலமான பட்டதாரி ஆசிரிய நியமனத்திற்கான நேர்முகப் பரீட்சைகள், பிரயோகப் பரீட்சைகள் நடைபெற்று முடிவடைந்தன நியமனக் கடிதங்கள் எப்போது தான் கிடைக்கப் பெறுமோ என்று ஆவலுடன் காத்திருந்த பட்டதாரிகள் பலரது கனவுகளுக்கு முடிச்சுப் போடும் விதமாகக் கிடைத்தது அந்தச் செய்தி. ஆரம்பக்கல்வி, தமிழ் பாடங்களுக்கு மாத்திரமே அதிகமான பட்டதாரிகள் உள்ளீர்க்கப்படுவர் என்பதோடு இன்னும் சில பாடங்களுக்கு மாத்திரம் நியமனம் வழங்கப்படும் என்பதே இதன் மூலம் தெரிய வந்தது மீண்டும் இன்னொரு பரீட்சையை கூடிய சீக்கிரமே எதிர்பாருங்கள் என்பதே! ( பின்னர் அதுவே உறுதிப்படுத்தப்பட்டது)

இதில் என்ன ஆச்சரியம் என்றால், இந்த (அ)நீதி தமிழ் மொழி மூலம் பரீட்சைக்குத் தோற்றியோருக்கு மட்டுந்தான் என்பது தான். 2014 ஜனவரி க்குப் பிறகு, கிட்டத்தட்ட 5 வருடங்களுக்குப் பிறகு வழங்கப்பட்ட இந்நியமனத்தில், குறிப்பிட்டுக் கூறக் கூடிய இன்னொரு அதிசயமும் இடம்பெற்றது வயதில் கூடிய பட்டதாரிகளை அதிகமாக உள்ளீர்க்காமல், இன்னும் பட்டமளிப்பு விழா கூட நிறைவுறாத புதிய பட்டதாரிகளை உள்ளீர்த்தமையாகும். இதன்மூலம் புதிய பட்டதாரிகளுக்கு நியமனம் வழங்கப்பட்டதை பிழை காண வரவில்லை. அவர்களுக்கு அள்ளாஹ்வினால் நியமித்த நேரம் வர, அவர்களுக்குரியது கிட்டி விட்டது. ஆனால், வருடக்கணக்கில் காத்திருந்தவர்களின் நிலை?? இன்று நாதியற்ற நிலையில் இருக்கின்றனர். பலரது சொல்லம்புகள் அவர்களைப் பதம் பார்த்து வருகின்றன இதற்கு முன்னரும் கூட தென்மாகாணத்தில் பல தடவைகள் மிகச் சூட்சுமமான முறையில் தமிழ் மொழி மூல ஆசிரிய நியமனங்களில் இவ்வாறான அசம்பாவிதங்களும், அத்துமீறல்களும் இடம்பெற்றுள்ளன. ( அதற்கு வழக்கை காரணம் காட்டி மறுத்தது வேறு கதை) தட்டிக் கேட்க நாதியற்றவர்களா நாங்கள் என்று தம்மைத் தாமே கேள்வி கேட்கும் துர்ப்பாக்கியமான நிலை தான் இன்று தென்மாகாண முஸ்லிம்களுக்கு ஏற்பட்டுள்ளது!ஏனைய பட்டதாரிகளுக்கு நியமனம் வழங்கப்படாமைக்கான காரணமாக வெற்றிடங்கள் எதுவும் காணப்படவில்லையென்று தக்ஷினபாயவினால் காரணம் கூறப்பட்டது. (தென்மாகாணப் பாடசாலைகளில் நிலவும் ஆசிரிய வெற்றிடங்களை எவ்வாறு கணக்கெடுக்கின்றார்கள் என்பது தக்ஷினபாயவில் உள்ள அதிகாரிகளுக்குத் தான் வெளிச்சம்.)

கடந்த 15ம் திகதி நடைபெற்ற பட்டதாரிகளுக்கான ஆசிரிய நியமனம் வழங்கும் விழாவில் கருத்துத் தெரிவிக்கையில், " தென்மாகாணத்தில் இருப்பவர்கள் வழக்குத் தொடுப்பதில் மிகவும் திறமைசாலிகள்! தென்மாகாண சபைக்கெதிரான எத்தனையோ வழக்குகள் நிலுவையில் உள்ளன. இந்த வழக்கைத் தொடுத்ததன் மூலம் தென்மாகாண மாணவர்களுக்கு பாரிய அநியாயம் நிகழ்ந்துள்ளது. இது மாபெரும் வரலாற்றுத் தவறாகும். இவ்வாறான வரலாற்றுத் தவறுகள் இனிமேல் இடம்பெறலாகாது. நான் பட்டதாரிகளுக்கு இந்நியமனத்தை வழங்கியதன் மூலம் அவ்வராலாற்றுத் தவறை நிவர்த்திக்க முயற்சி செய்துள்ளேன்" என்று கூறினார். கனம் ஆளுநர் அவர்களே! அவ்வரலாற்றுத் தவறு நீங்கள் நினைப்பது போல் சரிசெய்யப்பட வேண்டுமென்றால், அனைத்துப் பட்டதாரிகளையும் நீங்கள் உள்ளீர்த்திருக்க வேண்டும். குறைந்தது, வயதில் கூடிய பட்டதாரிகளுக்காகவது நீங்கள் நியமனம் வழங்கியிருக்க வேண்டும். அப்போது நீங்கள் கூறிய அவ்வரலாற்றுத் தவறு ஓரளவாவது சீர்பெற்றிருக்கும்

கொஞ்சம் கூட நியாயமற்றதாக தோன்றுகின்ற இந்த நியமனம் தொடர்பில் சரியான தக்க நடவடிக்கைகளை எடுக்க வேண்டிய பொறுப்புள்ள அரச அதிகாரிகளை அணுகி இது பற்றி வினவிய போது அவர்கள் கூறியது என்னமோ இப்படித் தான்,

"அய்தான் பாருங்களே, ஒருத்தரும் இதப் பத்தி பெய்த்து பேசுறாங்க இல்லையே. பிரின்ஸிபால்மார்ட செல்லி பெய்த்து பேசுங்களே! இல்லாட்டி நீங்க ஊராக்கள் பெய்த்து பேசுங்களே! இப்ப bomb blast க்குப் பொறகு எங்களுக்கு தென ஒண்டு இல்லே ஒபீஸ்ல...

"அட, பேச வேண்டிய ஆளே நீங்க தானே, நீங்களே இப்படி மத்தவன் மேல பொறுப்ப தள்ளி விட்டுட்டு இருந்தா செரியா?" என்று மனசு கேட்க நினைத்தாலும் தத்தமது பதவிகளைப் பாதுகாத்துக்கொள்ள தான் இவர்கள் எல்லாம் வாய் மூடி மௌனித்துள்ளார்கள் என்பதையும் நாம் அறிந்து கொள்ளாமல் இல்லை! என்ன இருந்தாலும் அவனவனுக்கு அவனவன் ஜாப் முக்கியமில்லையா? 20ந் தேதிக்கு சம்பளக் கவர் கிடைச்சாத் தானே குடும்பத்துக்கே சோறு! அவங்க சொல்றதும் வாஸ்தவந்தானே!

அரசியல் சப்போர்ட் இல்லாமல் இவற்றிற்கு எதிராக போராடுவதென்பது மிக மிகக் கஷ்டந்தான் என்பது தான் அநேகருடைய கருத்தாகவும் இருக்கின்றது! அது ஒருவகையில் உண்மையும் தான். சிலவேளைகளில் அவ்வதிகாரங்களும் சாத்தியமற்றவை தான். தேர்தல் காலங்களில் களத்திலிறங்குகின்ற நம் வேட்பாளர்களும் செல்லாக்காசுகளாகி விடுகின்றனர். நாம் தட்டிக் கேட்கவோ, உரிமைகளை வென்றெடுக்கவோ நாதியற்றவர்கள் தான்.

இந்நிலையில் நியமனம் கிடைக்கப் பெறாத அத்தனை பரீட்சார்த்திகளும் பரீட்சைக்குத் தோற்ற வேண்டும். இன்னும் ஒன்றரை மாதங்களில் நான் அவர்களுக்கு நியமனம் வழங்குவேன் என கடந்த மாதம் 15ம் திகதி நடைபெற்ற ஆசிரிய நியமன நிகழ்வில் ஆளுநர் வாக்களித்தார். அதற்கொப்ப, நேற்றைய தினம் (2019.07.13) பரீட்சை நடைபெற்றது.

உண்மையிலேயே, அந்தப் பரீட்சைக்குரிய வினாக்களைப் பார்க்கையில், அது பட்டதாரிகளை தோற்றுவிப்பதற்காக தயாரிக்கப்பட்ட வினாப்பத்திரமா? தோற்றாமலிருப்பதற்காக தயாரிக்கப்பட்ட வினாப்பத்திரமா என்ற சந்தேகத்தையே தோற்றுவித்தது. ஏனெனில், அந்தளவுக்கு வினாப்பத்திரத்தின் அமைப்பு அமைந்திருந்து.

1.பந்தி பந்தியாக அமைந்திருந்த வினாக்களை வாசித்து விடை எழுதுவதற்குரிய கால அவகாசம் போதாமலிருந்தமை.

2. மொழிபெயர்ப்புக் குளறுபடி

இவையெல்லாவற்றையும் தாண்டி, இந்தப் பரீட்சையில் சித்தியடைந்தவர்கள் எல்லோருக்குமே நியமனம் கிடைக்குமா என்றால் அதற்கும் வாய்ப்பில்லையாம். யார் அதிகூடிய புள்ளிகளைப் பெறுகின்றார்களோ, அவர்களுக்கு மாத்திரமே நியமனம் வழங்கப்படும் என ஊர்ஜிதப்படுத்தப்பட்ட தகவல்கள் தெரிவிக்கின்றன.( பாடங்களுக்கான ரீதியில் என்றில்லாமல் பொதுவாக பரீட்சையில் சித்தியடைந்த அத்தனை பேருக்கும் நியமனம் வழ்ங்கப்படும் என்று ஒரு தகவலும் கசிந்தது. ஆனால், அத்தகவல் எவ்வளவு தூரம் உண்மையான தகவல் என்பது தெரியவில்லை.)

பரீட்சை நிறைவடைய, ஒரு ஆசிரியனாக தன் கனவை எட்டிவிடலாம் என தவிப்புடன் காத்திருந்த பட்டதாரிகளுக்கு இப்பரீட்சை நியாயம் செய்யவில்லை.

ஆக, இது தொடர்பில் உரிய அதிகாரிகள் கவனம் செலுத்தி தகுந்த தீர்வொன்றைப பெற்றுத் தருமாறு வேண்டுகின்றோம்.

Shazna Nazim

Read more »

வெலிகமையில் மீண்டும் டெங்கு தீவிரம்.. பலர் பாதிக்கப்பட்டு வைத்தியசாலைகளில்.

வெலிகமையில் மீண்டும் டெங்கு தீவிரம்.. பலர் பாதிக்கப்பட்டு வைத்தியசாலைகளில்.

Posted by WeligamaNews on July 10, 2019

வெலிகம பிரதேசத்தில் டெங்கு நோய் பரவும் அபாயம்
டெங்கு... எப்படிப் பரவும், தடுப்பது எப்படி, சிகிச்சைகள் என்ன..

வெலிகமயில் டெங்கு தாக்கமும், அதுபற்றிய பீதியும் மக்களை நிறையவே அச்சுறுத்தி வருகின்றன. அரசு மற்றும் தனியார் மருத்துவமனைகளில், காய்ச்சலுக்காக சிகிச்சை எடுத்துக்கொள்பவர்களின் கூட்டம் நாளுக்கு நாள் அதிகரித்துக்கொண்டே செல்கிறது. இதற்கிடையே, ஒவ்வொரு நாளும் டெங்கு பற்றிய உயிரிழப்புச் செய்திகளுக்கும் பஞ்சமில்லை. வெலிகம மகவீதிய  பிரதேசத்தில் டெங்கு நோய் காரணமாக 26 வயது பெண் மரணம். மேலும் நூற்றுக்கும் அதிகமானோர் வைத்திய சாலையில் உயிரிழப்பைத் தடுக்க சுகாதாரத் துறையும் பல்வேறு முயற்சிகளை மேற்கொண்டு வருவதாகக் கூறப்படுகிறது.

இது ஒருபுறமிருக்க, ‘டெங்குவுக்கு ஆங்கில மருத்துவத்தில் மருந்தே இல்லை’ என்று ஒரு தரப்பினர் கூறிக்கொண்டிருக்கின்றனர். `சித்தா மற்றும் ஆயுர்வேத மருத்துவத்தில் டெங்கு வராமல் தடுக்க மட்டுமே முடியும்; காய்ச்சல் வந்த பிறகு அவை பலனளிக்காது’ என்கிறது மற்றொரு தரப்பு. அதேநேரத்தில் ஒவ்வொரு பிரிவு மருத்துவர்களும் தனித்தனியாக, `எங்களது மருத்துவத்தால்தான் சிகிச்சை அளிக்க முடியும்’ என்று கூறிவருகிறார்கள். இதுபோன்ற செய்திகள் பொதுமக்களை தெளிவான ஒரு முடிவெடிக்க முடியாமல் குழப்பத்தில் ஆழ்த்துகின்றன.

கொசுக்களால் டெங்கு பரவுவதில்லை’ என்பது போன்ற வதந்திகள் அதிகமாகப் பரவுகின்றன. உண்மையில் டெங்கு என்பது என்ன?"

“டெங்குவின் தாக்கத்தைவிட அது பற்றிய வதந்திகள்தாம் அதிகம். இதுபோன்ற வதந்திகளைக் கேள்விப்பட்டேன். இவையெல்லாம், டெங்குவுக்கு எதிரான நடவடிக்கைகளுக்கு முட்டுக்கட்டை போடும், மக்களை மென்மேலும் அச்சுறுத்தக்கூடிய ஓர் அபாயகரமான செயல். எனவே, இதுபோன்ற வதந்திகளைப் பரப்புவதைத் தவிர்க்க வேண்டும்.
வெலிகம பிரதேசத்தில் கோரட்டுவை,மதுரப்புரை, புதியதெரு ,மகாவீதிய பெலானை போன்ற பிரதேசத்தில் டெங்கு நோயால் அதிகமாக பாதிக்கபட்துள்ளனர்

டெங்கு என்பது ஒரு வகையான வைரஸால் ஏற்படும் காய்ச்சல். இந்த டெங்கு வைரஸ் டென்-1 (DENV-1), டென்-2 (DENV-2), டென்-3 (DENV-3), டென்-4 (DENV-4) என வகைப்படுத்தப்படுகிறது. இந்த வைரஸ், நல்ல தண்ணீரில் உருவாகக்கூடிய 'ஏடிஸ்' என்ற ஒரு வகை கொசுக்கள் மூலம் பரவுகிறது.''


``எப்படிப் பரவுகிறது?"

இலங்கையை பொறுத்தவரை, வீடுகளில் சரியாக மூடப்படாத டிரம்கள், தண்ணீர் பிடிப்பதற்காக பைப்லைன்கள் அருகே தோண்டப்பட்ட குழிகள், மொட்டைமாடிகளில் போட்டுவைத்திருக்கும் உபயோகமற்ற பொருள்கள், காலிமனைகளில் கிடக்கும் பிளாஸ்டிக் கப்கள், பயனற்ற பிளாஸ்டிக் பொருள்கள், வீடுகளில் சரியாக மூடப்படாத தரைத் தொட்டிகள் (சம்ப்), மேல்நிலைத் தொட்டிகள், டயர்கள், பயன்படுத்தாத உடைந்த சிமென்ட் தொட்டிகள், நீண்டகாலமாக கழுவப்படாத தொட்டிகள் போன்றவற்றில் தேங்கியிருக்கும் நல்ல தண்ணீரில் `ஏடிஸ்' கொசுக்கள் முட்டையிட்டு, அது புழுவாக மாறி வளர்ந்து, கொசுவாக உருவாகிறது. இது, டெங்கு பாதிப்புள்ளவர்களைக் கடித்துவிட்டு மற்றவர்களைக் கடிக்கும்போது ஒருவரிடமிருந்து மற்றவருக்கு டெங்கு பரவுகிறது.


`ஏடிஸ்' கொசுக்கள் மூன்று வாரங்களுக்குமேல் உயிர்வாழும். இந்தக் கொசுக்கள் பகல் நேரங்களில் மட்டுமே கடிக்கின்றன. உடல் மற்றும் கால்களில் கறுப்பு மற்றும் வெள்ளைநிறப் புள்ளிகள் கொண்ட உடலமைப்பைக் கொண்டுள்ளதால், இவை `புலிக்கொசுக்கள்' என்றும் அழைக்கப்படுகின்றன.''

"ஏடிஸ் கொசு பகலில்தான் கடிக்கும்; நல்ல தண்ணீரில்தான் வளரும் என்கிறீர்கள். எதன் அடிப்படையில் இப்படிச் சொல்கிறீர்கள்?"

“டெங்குக் காய்ச்சலைப் பரப்பும் `ஏடிஸ்' கொசுக்கள் நல்ல தண்ணீரில் வளரும்; அவை பகலில் கடிக்கும் தன்மைகொண்டவை என அவற்றின் வாழ்க்கைமுறை மூலம் கண்டறியப்பட்டுள்ளது. இதுவரை கிடைத்தத் தரவுகளின் அடிப்படையில் இதுதான் உண்மை. ஆகவே, பொதுமக்கள் மற்றவர்கள் கூறுவதைக் கேட்டு குழம்பிக்கொள்ளத் தேவையில்லை.''

“எத்தனை நாள்கள் தண்ணீர் தேங்கி இருந்தால் ஏடிஸ் கொசு வளரும்?"

“டெங்கு நோயைப் பரப்பும் `ஏடிஸ்' வகை கொசுக்கள் தண்ணீரில் முட்டையிட்டு கொசுப்புழு, கூட்டுப்புழு பருவம் வரை வளர ஏழு முதல் பத்து நாள்களாகும்.’’

“ஏடிஸ் கொசுவின் வளர்ச்சியை எப்படித் தடுக்கலாம்?"

“டெங்குக் காய்ச்சலைப் பரப்பும் `ஏடிஸ்' கொசுக்கள் சுத்தமான நீரில் முட்டையிட்டு இனப்பெருக்கம் செய்கின்றன. இவை முட்டையிலிருந்து லார்வா, பியூப்பா என உருமாறி பத்து நாள்களில் கொசுக்களாக உற்பத்தியாகின்றன. `ஏடிஸ்' கொசுக்கள் உருவாகும் இடங்களை அழித்து வீடுகள், பள்ளிக்கூடங்கள், பொது இடங்கள் மற்றும் சுற்றுப்புறத்தைத் தூய்மையாக வைத்துக்கொண்டால் மட்டுமே டெங்குக் காய்ச்சலைத் தடுக்க முடியும்.''



“பிற காய்ச்சல்களிலிருந்து டெங்குக் காய்ச்சலை எப்படி அடையாளம் காண்பது, காய்ச்சல் வந்த பிறகு என்ன செய்ய வேண்டும்?"




“காய்ச்சல், சோர்வு, தலைவலி, உடல்வலி, வாந்தி, எலும்பு வலி ஆகியவை டெங்குக் காய்ச்சலின் முக்கியமான அறிகுறிகளாகும். காய்ச்சல் அறிகுறி தெரிந்தவுடன் உடனடியாக மருத்துவரை அணுகி சிகிச்சை பெற வேண்டும். ஒரு மருத்துவரால் மட்டுமே தேவையான மருத்துவப் பரிசோதனை செய்து இது 

டெங்குக் காய்ச்சலா அல்லது மழைக்காலத்தில் ஏற்படும் சளிக் காய்ச்சல் மற்றும் இதர டைபாய்டு, லெப்டோஸ்பைரோசிஸ் மற்றும் இதர வகையான காய்ச்சலா என்பதை கண்டறிந்து உரிய சிகிக்சை அளிக்க முடியும்.



மருத்துவரின் ஆலோசனைப்படி காய்ச்சல் மற்றும் உடல்வலியைக் குறைப்பதற்காக 'பாரசிட்டமால்' மாத்திரைகளைச் சாப்பிடலாம். போதுமான ஓய்வு எடுத்து அதிகமான திரவ உணவுகளை உட்கொள்ள வேண்டும். டெங்குக் காய்ச்சலைக் குணப்படுத்தவும், தடுக்கவும் நிலவேம்புக் குடிநீர் மிகச்சிறந்த மருந்து என்பதில் சந்தேகமில்லை."


``வீட்டிலேயே டெங்குவுக்கு சிகிச்சை எடுத்துக்கொள்ளலாமா?"


“டெங்குக் காய்ச்சலைப் பொறுத்தவரை, மருத்துவக் கண்காணிப்பில் இருப்பது மிகவும் நல்லது. டெங்கு பாதிப்புக்கு உள்ளாகிறவர்களில் ஒரு சதவிகிதத்துக்கும் குறைவான நபர்களுக்கு ரத்தக்கசிவு நோய் மற்றும் 'டெங்கு ஷாக் சிண்ட்ரோம்' ஏற்படலாம். அதாவது, தட்டணுக்கள் குறைந்து, நுரையீரல் கூடு பகுதியில் நீர் தேங்கும்போது 'டெங்கு ஷாக் சிண்ட்ரோம்' வருவதற்கான வாய்ப்பு உள்ளது. இந்த நிகழ்வுகளில் ஆபத்து ஏற்படக்கூடும். ஆகவே, மருத்துவக் கண்காணிப்பில் இருந்து, உரிய நேரத்தில் உரிய மருந்துகள் எடுத்துக்கொள்வதன் மூலம் முழுமையாக இந்த நிகழ்வுகள் ஏற்படாமல் காப்பாற்ற முடியும். எனவே, மருத்துவமனைக்குச் சென்று சிகிச்சை பெறுவதுதான் நல்லது. அதனால் சுய சிகிச்சை எடுத்துக்கொள்ளாமல் காய்ச்சல் வந்தவுடனேயே மருத்துவரை அணுக வேண்டும்."


“டெங்கு பாதிப்பு உள்ளவர்கள் உடனடியாக என்னவெல்லாம் செய்யலாம், என்னவெல்லாம் செய்யக் கூடாது?"
“காய்ச்சல் வந்தவுடன் மருத்துவரிடம் சென்று முறையான சிகிச்சை பெறுவது மிகவும் அவசியம். மருத்துவரின் ஆலோசனைப்படி ரத்தப் பரிசோதனைகள் செய்துகொள்ள வேண்டும்; மருந்துகளை உட்கொள்ள வேண்டும். தேவையான அளவுக்கு ஓய்வெடுத்து, அதிக அளவில் திரவ உணவுகளை உட்கொள்ள வேண்டும்.

காய்ச்சல் வந்த பிறகு மருத்துவச் சிகிச்சையைத் தாமதமாகப் பெறுதல், சுயமாக மருந்துகள் சாப்பிடுதல், போலி மருத்துவர்களிடம் சிகிச்சை பெறுதல், குறைவான திரவ உணவுகளை உட்கொள்ளுதல் ஆகியவை கூடாது.''

“டெங்குவுக்குத் தடுப்பூசி உண்டா?"

“மிகச்சில நாடுகளில் டெங்வாக்ஸியா (Dengvaxia) என்ற தடுப்பூசி, உலக சுகாதார நிறுவனத்தால் அறிமுகப்படுத்தப்பட்டுள்ளதாகச் செய்திகள் தெரிவிக்கின்றன.

இலங்கையில் டெங்குவின் தாக்கம் அதிகமாக என்ன காரணம்?"
இலங்கையிலும் டெங்குவின் பாதிப்பு அதிகம். மலேசியா, சிங்கப்பூர், தாய்லாந்து உள்ளிட்ட 140 நாடுகளிலும் இந்த நோயின் தாக்கம் இருக்கிறது. ஆனால், ஏதோ நம் மாநிலத்தில் மட்டுமே டெங்குவின் தாக்கம் அதிகமாக இருப்பதுபோல ஒரு தோற்றம் உருவாக்கப்பட்டுள்ளது.

"டெங்குக் காய்ச்சலைத் தடுக்க அரசு எடுத்துவரும் நடவடிக்கைகள் என்னென்ன?"
நாளிதழ் விளம்பரங்கள், திரையரங்குகள், தொலைக்காட்சி சேனல்கள் மற்றும் குறும்படங்கள் மூலம் டெங்கு குறித்த விழிப்பு உணர்வு ஏற்படுத்தப்பட்டு வருகிறது.

பள்ளி, கல்லூரி மாணவ மாணவிகள் மற்றும் சுய உதவி குழுக்கள் மூலம் இலங்கை  முழுவதும் பேரணி போன்ற டெங்குக் காய்ச்சல் விழிப்பு உணர்வு நிகழ்ச்சிகள் நடைபெற்றுவருகின்றன.

டெங்குக் காய்ச்சல் விழிப்பு உணர்வு குறித்து பள்ளி தலைமையாசிரியர்கள், செவிலியர் கல்லூரி முதல்வர்கள்,இலங்கையில் சனைக் கூட்டம் நடத்தப்பட்டது. அவர்கள் மூலம் பொதுமக்கள் மத்தியில் டெங்குக் காய்ச்சலைக் கட்டுப்படுத்தும்விதமாக பிரசாரங்கள், துண்டுப் பிரசுரங்கள், நிலவேம்புக் குடிநீர் வழங்குதல், சுற்றுப்புறப் பகுதிகளை தூய்மையாக வைத்திருப்பதன் அவசியம் குறித்து விழிப்பு உணர்வு ஏற்படுத்தப்பட்டு வருகிறது.

தூய்மை செய்யப்படாத இடங்கள் மற்றும் டெங்குப் புழுக்கள் உற்பத்தியாகும் இடங்கள் கண்டறியப்பட்டால் பொது சுகாதார சட்டம், சட்டப்படி உரிமையாளர்மீது நடவடிக்கை மேற்கொள்ளப்படும்.

பொதுமக்கள் காய்ச்சல் கண்டவுடன் உடனடியாக அருகில் உள்ள அரசு மருத்துவமனைகளை அணுகி, தகுந்த சிகிச்சை பெற வேண்டும். மருத்துவரின் பரிந்துரைச் சீட்டு இல்லாமல் மருந்துக் கடைகளுக்குச் சென்று தாமாகவே மாத்திரைகளை வாங்கி உட்கொள்வதை முற்றிலும் தவிர்க்க வேண்டும்.

காய்ச்சல் கண்ட நோயாளிகளுக்கு சிகிச்சை அளிக்கும் அனைத்து தனியார் மருத்துவமனைகளும் உலக சுகாதார நிறுவன வழிகாட்டுதலின்படி (Fever Management Protocol) சிகிச்சை அளிப்பதை உறுதிசெய்ய அறிவுறுத்தப்பட்டுள்ளது.

கொசு ஒழிப்பு மற்றும் டெங்குக் காய்ச்சல் ஒழிப்புப் பணிகளை மக்கள் இயக்கமாக செயல்படுத்தவும், தொடர்புடைய துறைகளுடன் இணைந்து ஒருங்கிணைப்புப் பணிகளை தொய்வில்லாமல் மேற்கொள்ளவும் அறிவுறுத்தப்பட்டுள்ளது.''

“பொதுமக்கள் தங்கள் வீட்டில் `ஏடிஸ்' கொசு உருவாகும் தேவையற்ற பொருள்களான பிளாஸ்டிக் தட்டுகள், பிளாஸ்டிக் கப்புகள், தேங்காய் ஓடுகள், உடைந்த வாளி, டயர்கள் ஆகியவற்றை அகற்றி உதவ வேண்டும். தண்ணீர் சேமித்து வைக்கும் தொட்டிகளை வாரம் ஒருமுறை பிளீச்சிங் பவுடரைக் கொண்டு நன்றாகத் தேய்த்துக் கழுவி, கொசு புகாதவாறு மூடிவைக்க வேண்டும். பகல் நேரத்திலும் சிறு குழந்தைகளை கொசு வலைக்குள் தூங்க வைக்க வேண்டும்.

காய்ச்சல் குறைந்த பின்னரும்கூட நீர்ச்சத்துக் குறைவு மற்றும் இதர பிரச்னைகளால் ஆபத்துகள் ஏற்பட வாய்ப்புள்ளதால், மூன்று நாள்களுக்கு மிகவும் கவனமாக இருக்க வேண்டும். பசி எடுக்கவில்லை என்றாலோ, சோர்வாக இருந்தாலோ மீண்டும் மருத்துவரை அணுக வேண்டும். போதிய நீர் மற்றும் திரவ உணவுகளை அருந்த வேண்டும்.


 டெங்கு இல்லாத இலங்கையை உருவாக்குவது அனைத்து மக்களின் சமூகக் கடமை. இந்தப் பணியில் அனைவரும் தமது பங்கை உணர்ந்து செயல்பட்டால் நோய்த் தடுப்பு நடவடிக்கையை வெற்றிகரமாகச் செயல்படுத்த இயலும்."

Read more »

மாடு விற்பனைக்கு இருப்பதாக வந்து மாடுகளை கொள்வனவு செய்யுமாறும் கூறி மாடுகளை வாங்குவாதற்கு வந்த இரு முஸ்லீம் இளைஞர்கள் மாடு திருட வந்ததாக கூறி போலீசாரால் கைது.

மாடு விற்பனைக்கு இருப்பதாக வந்து மாடுகளை கொள்வனவு செய்யுமாறும் கூறி மாடுகளை வாங்குவாதற்கு வந்த இரு முஸ்லீம் இளைஞர்கள் மாடு திருட வந்ததாக கூறி போலீசாரால் கைது.

Posted by WeligamaNews on July 05, 2019

அஹங்கமை பிரதேசத்தில் மாடு விற்பனைக்கு இருப்பதாகவும்  அங்கு வந்து மாடுகளை வாங்குமாறும் கூறிய பின்
 மாடுகளை வாங்குவதற்கு   வந்தவர்களை மாடு திருட வந்தாக கூறி வெலிகம பிரதேசத்தை சேர்ந்த இரு முஸ்லீம் இளைஞர்கள் போலீசாரால் கைது செய்யப்பட்டுள்ளனர்.

குறித்த இரு இளைஞர்களும் திருமண வைபவம் ஒன்றிற்காக மாடு கொள்வனவு செய்ய சென்ற போதே இந்த சம்பவம் இடம்பெற்றுள்ளது

தொலைபேசி அழைப்பு மூலமே இந்த கொடுக்கல் வாங்கல் இடம்பெற்றுள்ளது.
ஏற்கனவே திட்டமிட்டு குறித்த இரு இளைஞர்களும் மாடுகளை கொள்வனவு செய்ய சென்ற சந்தர்ப்பத்தில் மாடுகளை ஒளிவு மறைவு செய்து குறித்த முஸ்லீம் இளைஞர்கள் மீது மாடுகளை திருடியதாக குற்றம் சுமத்தப்பட்டே பொலிஸ் இல் முறைப்பாடு செய்யப்பட்டுள்ளது.

விசாரனையின் பின்னர் இருவரும் விடுவிக்கப்பட்டனர்.

இவ்வாறான சம்பவங்கள் இலங்கையில் பல பிரதேசங்களில் இடம்பெற்று வருவதும் இவ்வாறான சம்பவங்கள் தொடர்பாக முஸ்லீம்கள் அவதானமாக இருக்குமாறும் வேண்டப்படுகின்ரீர்கள்

ஹஜ் பெருநாள் எதிர் நோக்க இருக்கும் நிலையில் மாடுகள் வியாபாரம் அதிகளவில் இடம்பெறும் காலம் என்பதாலும் நாட்டில் ஏற்பட்டுள்ள அசாதாரண சூழ்நிலையில் அவதானமாக இருக்குமாறும் வேண்டிக்கொள்கின்றோம்.

Read more »

மாத்தறை ஹம்பாந்தோட்டை புதிய அதிவேக பாதை வேலைகள் இடைநிறுத்தம்.

மாத்தறை ஹம்பாந்தோட்டை புதிய அதிவேக பாதை வேலைகள் இடைநிறுத்தம்.

Posted by WeligamaNews on July 03, 2019

மாத்தறை ஹம்பாந்தோட்டை புதிய அதிவேக பாதை வேலைகளுக்காக சீன கெதிக்  நிறுவனற்திற்கு இலங்கை அரசாங்கம் 10 மாதகாலமக பணம் செலுத்தாமையினால் சீன நிறுவனம் உடனடியாக நேற்று முதல் 2 ஆம் திகதி முதல் வேலைகளை இடை நிறுத்தியுள்ளது.

கடந்த 10 மாததிற்கான டொலர் 80 மில்லியன் இலங்கை அரசாங்கத்தினால் குறித்த சீன நிறுவனத்திற்கு வழங்கவில்லை.
இதனால் மாத்தறை பெலியத்தை புதிய அதிவேக பாதை வேலைகள் நேற்று 2 ஆம் திகதி முதல் இடை நிறுத்தப்பட்டுள்ளது
வேலைகளுக்காக பயன்படுத்தப்பட்ட கனரக வாகனங்கள் பாதை ஓரமாக நிறுத்தி வைக்கப்பட்டுள்ளது.

மாத்தரை பெலியத்தை அதிவேக பாதை 30 km தூரத்தை கொண்ட பாதை காபட் இடும் பணிகளின் இறுதி கட்டத்திலே இவ்வாறு வேலைகள் இடை நிறுத்தப்பட்டுள்ளது.

பாதை நிர்மானிக்கும் பணிகளை அரசாங்கம் மும்முரப்படுத்துமாறு வேண்டிக்கொண்டதை அடுத்து இரவு பகல் பாராது தாம் வேளைகளில் ஈடுபட்டதாக சீன நிறுவனம் தெரிவித்துள்ளது இதனால் 90 வீதமான வேலைகள் பூர்த்தி செய்யபட்டுள்ளதாகவும் அந்த நிறுவனம் அறிவித்துள்ளது.

குறிப்பிட்ட சீன நிறுவனம் தவிர்ந்த மேலும் 5 உப சீன நிறுவனங்கள் ,மற்றும் இலங்கை நிறுவனம் ஒன்றும் இப்பணியில் இருந்து தற்போது வேளைகளில் இருந்து ஒதுங்கியுள்ளது.

2015  ஆம் ஆண்டு ஆரம்பிக்கப்பட்ட இந்த செயற்திட்டம் இந்த நவம்பர் மாதம் 29 ஆம் திகதி நிறைவு செய்ய உத்தேசிக்கப்பட்டிருந்தது.வேலைகள் இடைநிறுத்தம் செய்யப்பட்டமையினால் ஒரு நாளைக்கு 100 மில்லியன் ரூபாய் சீன நிறுவனத்திற்கு நட்டம் ஏற்பட்டுள்ளதாக அந்த நிறுவனம் தெரிவித்துள்ளது
 இந்த நஷ்ட ஈட்டு தொகையை இலங்கை அரசாங்கம் செலுத்த நேரிடும் எனவும் அந்த நிறுவனத்தின் செயற்த்திட்ட முகாமையாளர் தெறிவித்துள்ளார்.

என்றாலும் இது தொடர்பாக நேற்று 2 ஆம் திகதி இலங்கை உயர் அரச அதிகாரிகளுடன் கலந்துரையாடல் இடம்பெற்றுள்ளன இதனை அடுத்து தற்காலிகமாக சில நாற்களுக்கு நிறுத்திவைக்கப்பட்ட இருந்த  வேலைகளை ஆரம்பிக்க சீன நிறுவனம் முன்வந்துள்ளது.

Read more »

தென்மாகாண பாடசாலைகள் இன்று முதல் 2.30 மணி வரை இடம்பெறும் . தென் மாகாண ஆளுனர்

தென்மாகாண பாடசாலைகள் இன்று முதல் 2.30 மணி வரை இடம்பெறும் . தென் மாகாண ஆளுனர்

Posted by WeligamaNews on July 02, 2019

தென் மாகாண பாடசாலைகள் அனைத்தும் இன்று ஜூலை மாதம் 1 ஆம் திகதி முதல் 2.30 மணி வரை நடத்துமாறு
தென் மாகாண ஆளுனர்
கீர்த்தி தென்னக்கோன் அறிவித்துள்ளார்.

கடந்த 28 ஆம் திகதி ஆளுநர் அலுவலகத்தில் இருந்து இந்த அறிவிப்பு விடுக்கப்பட்டாலும் அதற்கான காரணம் தெறிவிக்கப்படவில்லை.

என்றாலும் தென் மாகாணத்தில் உள்ள தேசிய பாடசாலைகளுக்கு இந்த அறிவிப்பு வழங்கப்படவில்லை. தேசிய பாடசாலைகள் வழமை போன்று 1.30 மணி வரை இடம்பெறும்.

மாகாண பாடசாலைகளில் ஏற்பட்ட பிரச்சினை தொடர்பாக பல தரப்புக்களால் செய்த முறைப்பாட்டை அடுத்தே இந்த தீர்மானம் எடுக்கப்பட்டுள்ளதாக ஆளுனர் தெரிவிததார்.

இலங்கையில் இடம்பெற்ற குண்டுவெடிப்பு சம்பவத்தை அடுத்து பாடசாலை கல்வி நடவடிக்கைகை அனைத்தும் பாதிக்க பட்டதாகவும் குறிப்பிட்ட காலத்தில் பாட அலகுகளை முடிவு செய்ய முடியாமல் போனமையால் இந்த தீர்மானம் எடுக்கப்பட்டுள்ளதாக மேலும் தெரிவித்தார் .

112 பாடசாலைகள் இந்த முடிவை எடுக்குமாறு தாமாகவே  அறிவித்ததாகவும்  அவர் குறிப்பிட்டார்.

தென்மாகாண கல்வி நிலையில் பாதிப்புக்கள் ஏற்படாமல் இருக்கவே இந்த நடவடிக்கை மேற்கொள்ளப்பட்டுள்ளது என்பதும் குறிப்பிடத்தக்கது

Read more »

உலக கிண்ண அரையிறுதியில் இலங்கைக்கு வாய்ப்பு கிடைக்க இது தான் நடக்க வேண்டும்.

உலக கிண்ண அரையிறுதியில் இலங்கைக்கு வாய்ப்பு கிடைக்க இது தான் நடக்க வேண்டும்.

Posted by WeligamaNews on July 02, 2019

உலக கிண்ணத்தின் புள்ளி பட்டியலில் அரையிறுதி வாய்ப்பை அவூஸ்ரெலியா மட்டுமே பெற்றுள்ளது.

இன்னும் மூன்று அணிகள் தெரிவு செய்யப்படும் நிலையில் இந்தியா 11 புள்ளிகள் (இன்னும் இலங்கை, வங்களாதேஷ் அணிகளுடன் போட்டிகள்) உள்ளன.

நியூசிலாந்து அணியும் 11 புள்ளிகள் (ஆனால் இங்கிலாந்து அணியிடம் மட்டும் ஒரு போட்டி) உள்ளன. இங்கிலாந்தை வீழ்த்தினால் 13 புள்ளியை பெற்று உள்ளே செல்லும்

இங்கிலாந்து 10 புள்ளிகள் பெற்றுள்ளன. நியூசிலாந்து அணியுடன்உள்ள போட்டியில் வீழ்த்தினால் 12 புள்ளியை பெற்று உள்ளே செல்லும்.

பாகிஸ்தான் அணி 9 புள்ளிகள் (வங்களாதேஷ் அணியுடன் மட்டும் போட்டி) உண்டு. வென்றால் 11 புள்ளிகளை பெரும்.

வங்களாதேஷ் இந்தியா, பாகிஸ்தான் என இரு போட்டி உண்டு. வென்றால் 11 புள்ளிகள் கிடைக்கும்.

இலங்கை 8 புள்ளிகள் (இந்தியா அணியை அதிக ஓட்டத்தால் வீழ்த்தினால் 10 புள்ளிகள்) கிடைக்கும்.

சொல்ல வாரது என்னவென்றால் இலங்கை அரையிறுதி செல்ல வேண்டுமானால் (நியூசிலாந்து அணி இங்கிலாந்தை வீழ்த்தி, வங்களாதேஷ் அணி பாகிஸ்தானை வீழ்த்த வேண்டும், பின்னர் இந்தியா வங்களாதேஷை வீழ்த்த வேண்டும்)

பின்னர் இலங்கை அணி இந்தியா அணியை பெரிய சராசரியால் வீழ்த்துமேயானால் அரையிறுதி செல்லும்.

இது நடக்குமா....???

Read more »

இலங்கை அணியின் வேகப் பந்து வீச்சாளர் லசித் மலிங்க சர்வதேச ஒருநாள் கிரிக்கெட் போட்டிகளிலிருந்து ஓய்வுபெறப் போவதாக அறிவித்துள்ளார்.

இலங்கை அணியின் வேகப் பந்து வீச்சாளர் லசித் மலிங்க சர்வதேச ஒருநாள் கிரிக்கெட் போட்டிகளிலிருந்து ஓய்வுபெறப் போவதாக அறிவித்துள்ளார்.

Posted by WeligamaNews on July 01, 2019

பி.பி.சி. செய்திச் சேவைக்கு அவர் வழங்கிய விசேட செவ்வியொன்றிலேயே அவர் இதனை குறிப்பிட்டுள்ளார்.

நடப்பு உலகக் கிண்ணத் தொடர் நிறைவடைந்ததும், ரசிகர்களுக்காக மேலும் ஒரு தொடரில் விளையாடியவுடன் அவர் ஓய்வெடுப்பதாக அறிவித்துள்ளார்.
நான் அணியின் வெற்றிக்காக மிகவும் போராடினேன் ஆனால் எனது உடல் தற்போது சோர்வடைந்து விட்டது. எதிர்வரும் 2020 ஆம் ஆண்டு அவுஸ்திரேலியாவில் இடம்பெறவுள்ள சர்வதேச இருபதுக்கு 20 உலகக் கிண்ணத் தொடரில் தான் விளையாட எதிர்பார்த்துள்ளதாக தெரிவித்த மலிங்க, எனினும் இலங்கை கிரிக்கெட் நிர்வாகத்துடன் கலந்தாலோசித்த பின்னரே அது தொடர்பான உறுதியான தகவல்களை வெளியிட முடியும் என்றும் அவர் குறிப்பிட்டுள்ளார்.

உலகக் கிண்ணத் தொடர் நிறைவுபெற்றதும், சர்வதேச கிரிக்கெட் தொடர் ஒன்றில் விளைாயடி விடைபெற வேண்டும் என்பது எனது எதிர்பார்ப்பாகவுள்ளது. அதன்படி பங்களாதேஷ் அல்லது நியூஸிலாந்து அணியுடானான போட்டி எனது இறுதி தொடராக அமையலாம்.
நுவான் குலசேகர சர்வதேச ஒருநாள் கிரிக்கெட் போட்டியில் பந்து வீச்சாளர்கள் பட்டியலில் முதல் இடம்பிடித்த இலங்கையின் முதல் வீரர் என்ற பெருமையை உடையவர். நான் அவருடன் 10 ஆண்டுகளாக இணைந்து விளையாடியுள்ளேன். எனவே அவருடன் இணைந்து ஒரு தொடரில் விளையாடியதன் பின்னர் நான் ஓய்வு பெற எதிர்பார்த்துள்ளேன். அதற்கான முயற்சிகளையும் முன்னெடுப்பேன்.

எனக்கு தற்போது 36 வயதாகிறது. போட்டிகளில் விளையாடுவதற்கான சக்தி என்னிடம் குறைவாக காணப்படுகின்றது. அதனால் எதிரனியினரை வீழ்த்துவது சவால் மிக்கதொன்றாக காணப்படுகின்றது.
நாங்கள் ஒருநாள் கிரிக்கெட் தரவரிசையில் கடந்த காலங்களில் 2,3 மற்றும் நான்காவது இடத்தில் இருந்தோம் ஆனால் அந்த நிலை தற்போது இல்லை. அதை எண்ணி நான் மிகுந்த வேதனை அடைகின்றேன் எனவே நான் ஓய்வு பெறுவதற்கு முன்னர் தரவரிசைப் பட்டியலில் 9 ஆவது இடத்தில் இருக்கும் எமது அணியை 7 ஆவது இடத்துக்கு முன்னேற்றினால் மகிழ்ச்சியைடைவேன்.

எதிர்வரும் 2020 ஆம் ஆண்டு இருபதுக்கு 20 உலகக் கிண்ணத் தொடரில் நேரடியாக விளையாடுவதற்கான தகுதியை நாம் இழந்துள்ளோம். எனவே தான் நான் சர்வதேச இருபதுக்கு 20 போட்டிகளில் விளையாடி அந்த தகுதியை அணிக்காக பெற்றுக் கொடுத்ததன் பின்னர் ஓய்வு பெற வேண்டும் என எதிர்பார்த்துள்ளேன் எனவும் அவர் குறிப்பிட்டார்.

Read more »

இராணுவ சூனியப் பகுதிக்குள் இரகசியமாக அமேரிக்கா கொரியா ஒரு சந்திப்பு!

இராணுவ சூனியப் பகுதிக்குள் இரகசியமாக அமேரிக்கா கொரியா ஒரு சந்திப்பு!

Posted by WeligamaNews on July 01, 2019

அடிக்கடி அணுஆயுத சோதனைகளை நடத்தியும், அணுஆயுதப் போரை ஆரம்பிக்கப் போவதாக அச்சுறுத்தியும் வரும் வட கொரியா தனது நிலைப்பாட்டில் மிகப் பெரிய மாற்றங்களை செய்வதற்கு ஒப்புக் கொண்டுள்ளது. இந்நிலையில் பல ஆண்டு காலமாக நிலவி வரும் இந்தப் பிரச்சினை குறித்த அடிப்படை விடயங்கள் பற்றி ஆராய்வது இங்கு முக்கியம்.

வட கொரியா அணு ஆயுதங்களை விரும்புகிறது.இரண்டாம் உலகப் போருக்குப் பின்பு கொரிய தீபகற்பம் இரண்டாகப் பிரிந்தது. கம்யூனிச நாடான வட கொரியா ஸ்டாலின் உருவாக்கிய சர்வாதிகார அமைப்பை ஏற்றுக் கொண்டு கட்டமைக்கப்பட்டது.உலக மேடையில் தனிமைப்படுத்தப்பட்டிருக்கும் தனது நாட்டை அழிக்க நினைக்கும் மற்ற உலக நாடுகளிலிருந்து தன்னை தற்காத்துக் கொள்வதற்கான ஒரே வழி அணுஆயுதங்கள்தான் என்று அந்நாடு கூறுகிறது.அணு ஆயுதத் தாக்குதலை வட கொரியாவால் நடத்த முடியுமா என்பது அடுத்த கேள்வி.

ஒருவேளை நடத்தலாம், ஆனால் வாய்ப்பு இல்லை.வட கொரியா இதுவரை ஆறு அணுசக்தி தாக்குதல்களை நடத்தியுள்ளது. அதில் ஒன்று ஐதரசன் குண்டு சோதனை என்று அது கூறுகிறது.

தொலைதூரம் சென்று தாக்கக் கூடிய ஏவுகணையில் பொருத்தக் கூடிய அளவுக்கு சிறிய ரக அணுகுண்டை உருவாக்கியுள்ளதாக வட கொரியா கூறினாலும் அது இன்னும் உறுதிப்படுத்தப்படவில்லை.

வட கொரியாவிலிருந்து அமெரிக்காவைத் தாக்கும் ​ெபாலிஸ்டிக் ரக ஏவுகணையையும் அந்நாடு கொண்டுள்ளதாக வல்லுநர்கள் நம்புகின்றனர். வட கொரியாவின் இந்த நடவடிக்கைகளை கண்டித்து ஐக்கிய நாடுகள் அமைப்பு, அமெரிக்கா மற்றும் ஐரோப்பிய யூனியன் போன்றவை பலவிதமான தடைகளை விதித்துள்ளன.

தென் கொரியா மற்றும் ஜப்பானைக் குறி வைத்தே வட கொரியா தனது ஏவுகணைகளைத் தயாரிக்கிறது. வட கொரியாவின் தற்காப்பு தாக்குதல் பேரழிவை உருவாக்கும் பதிலடியை உண்டாக்கலாம். அதன் காரணமாக எண்ணற்ற வட கொரியர்கள் உயிரிழக்க நேரிடலாம்.

ஆசிய கண்டத்தின் மிகப் பெரிய சக்தியாக விளங்கும் சீனா கொரிய நாடுகளுக்கு இடையே நிலவும் சூழ்நிலையை எண்ணி கவலையடைந்துள்ளது. அதாவது, கொரிய நாடுகளில் ஆட்சி மாற்றம் ஏதாவது ஏற்பட்டு இரு கொரிய நாடுகளும் இணையும் பட்சத்தில், தற்போது தென் கொரியாவில் இருக்கும் அமெரிக்கப் படைகள் தனது எல்லைப் பகுதியை நோக்கி வரக் கூடும் என்று சீனா நினைக்கிறது.

இதற்கு முன்பு நடந்த ஆயுதக் குறைப்பு தொடர்பான ஒப்பந்தங்கள் தோல்வியையே சந்தித்துள்ளன.

இந்நிலையில், கடந்த ஜனவரி மாதம் தென் கொரியாவுடன் பேச்சுவார்த்தையை நடத்திய வட கொரியா, அதன் பிறகு தென் கொரியாவில் நடந்த குளிர்கால ஒலிம்பிக் போட்டியிலும் பங்கேற்றது. அதன் பின்னர், அமெரிக்காவுடனான பேச்சுவார்த்தைக்கு தாங்கள் தயார் என்று வட கொரியா விடுத்த அழைப்பை ஏற்றுக் கொண்ட அமெரிக்க ஜனாதிபதி ட்ரம்ப், தாங்கள் அணுஆயுத குறைப்பை உறுதி செய்யும் நடவடிக்கைளை ஆதரிப்பதாகத் தெரிவித்தார்.

ஒரு வருடத்தில் மூன்றாவது சந்திப்பு:

இதேவேளை வட மற்றும் தென் கொரியாவின் எல்லையில் இருக்கும் இராணுவம் விலக்கப்பட்ட பகுதியில் டொனால்ட் ட்ரம்ப் வடகொரிய அதிபர் கிம்மை சந்தித்துள்ளார்.

இராணுவம் விலக்கப்பட்ட இந்தப் பகுதியில் நடைபெற்ற சந்திப்புக்கு, ட்விட்டரில் திடீரென கிம்மை சந்திக்க டிரம்ப் அழைப்பு விடுத்தமையே காரணமாகும்.

"அமைதிக்காக அவர்கள் இருவரும் கைக்குலுக்குவர்" என தென் கொரிய அதிபர் தெரிவித்துள்ளார்.

இதுகுறித்து வடகொரியா எந்த ஒரு கருத்தும் முன்னதாகத் தெரிவிக்கவில்லை. வடகொரியா அணு ஆயுதப் பயன்பாட்டை கைவிடுத்தல் குறித்ததான நின்று போன பேச்சுவார்த்தை இந்த சந்திப்பின் மூலமாக மீண்டும் தொடரும் என நம்பப்படுகிறது.

ஒரே வருடத்தில் ட்ரம்பும் கிம்மும் மூன்றாவது முறையாக சந்தித்துக் கொண்டுள்ளனர்.ட்விட்டரில் ட்ரம்ப் விடுத்த அழைப்பை "சுவாரஸ்யமானது" என வடகொரியா தெரிவித்திருந்தது.

முன்னதாக தென்கொரிய தலைநகர் சோலில் நடைபெற்ற செய்தியாளர் சந்திப்பில், கிம்மிற்கும் தனக்கும் இடையே நல்லதுதொரு உறவு வளர்ந்திருப்பதாகவும், அவரை சந்திக்க ஆர்வமாக உள்ளதாகவும் ட்ரம்ப் தெரிவித்தார்.

Read more »

காது எதுக்கு இருக்கு என்று யாரையாவது கேட்டு பாருங்க.?

காது எதுக்கு இருக்கு என்று யாரையாவது கேட்டு பாருங்க.?

Posted by WeligamaNews on June 30, 2019

காது எதுக்கு இருக்கு என்று யாரையாவது கேட்டு பாருங்க.? கேட்பதற்கு என்பார்கள்.! ஆனால் காது இன்னொரு விஷயத்தை செய்கிறது. அது மிக முக்கியமானது.

உங்க கால்கள் தரையில் ஊன்றி நிற்பதற்கு காரணம் காது தான், மனிதன் மயங்கி சரிந்து விடாமல் மொத்த உடல் அமைப்பையும்  சமநிலை படுத்த காது மிக அவசியமாகிறது.

ஒரு பைக்கால் அதன் இரண்டு டயர்களால் நிற்க முடிவதில்லை ஏன்?  மனிதன் மட்டும் எப்படி இரு கால்களால் நிற்கிறான்?

பைக் நிற்க்க கூடுதலாக ஸ்டாண்ட் தேவைப்படுகிறது, அதனால் தன்னை தானே சமநிலை படுத்திக்கொள்ள முடிவதில்லை.

ஆனால் மனிதனால் அது முடியும், அவன்  வடிவம் நிற்க்க முடியாத நிலையில் இருந்தாலும் எந்த சக்தி அவனை சமநிலையுடம் நிற்க்க வைக்கிறது என்றால் அது அவன் காதில் உள்ள "காக்லியா"  திரவத்தினால் தான். 

ஒரு டெட்பாடியை நிற்க்க வைக்க முடியுமா? முடியாது ஏன் எனில் அவன் சமநிலை தவறி விட்டான். அதே உயிருடன் இருப்பவனால் நிற்க்க முடிகிறது,

காது கேட்பதற்கும்  காக்லியா திரவம்  உதவுகிறது,  ஒலி அலைகளை காது மடங்கல் உள்வாங்கி காக்லியாவை அதிர்வடைய வைத்து அந்த அலைகள் பல ஆயிரம் வழிகளில் அலைந்து திரிந்து மைக்ரோ நொடியில் உங்க மூளைக்கு சத்தங்களை உணர வைக்கிறது.

 10 அல்லது 15 டெசிபல் சத்தங்கள் வரை காது கேட்க்க போதுமானது. அதை மீறும் போது காதில் பிரச்சினைகள் வரும்,

 முதலில் மயக்கம், தலை சுற்றல் வாந்தி, மண்டை வலி என தொடர்ந்து இறுதியில் காது கேட்க்கும் திறன் குறைந்து விடும்.

காதின் மடல்கள் மிக அற்புதமான வடிவத்தில் ஆனது, மண்ணெண்ணெய் ஸ்டோவில் புலன் வைக்காமல் அப்படியே எண்ணெய்யை ஊற்றினால் எப்படி சிதறி போகும்?

அதே போன்று தான் அந்த காது மடல்கள் இல்லா விட்டால். சத்தங்கள் நேரடியாக மண்டைக்குள் மோதி அதுவே உங்களை கொன்று விடும் அவ்வளவு வலியுடனானதாக இருக்கும்.

அதை தான் ஃபில்டர் செய்கிறது காது மடல்களும் அதை சுற்றி உள்ள சிக்கலான அமைப்புகளும்.

#அழகிய_படைப்பாளன்_இறைவன் ❤

Read more »

தென் மாகாண பாடசாலைகள் 2.30 வரை நடைபெற வேண்டும் - தென் மாகாண ஆளுனர் காரியாலயம் அறிவிப்பு

தென் மாகாண பாடசாலைகள் 2.30 வரை நடைபெற வேண்டும் - தென் மாகாண ஆளுனர் காரியாலயம் அறிவிப்பு

Posted by WeligamaNews on June 29, 2019

தென்மாகாணப் பாடசாலைகள் முடிவடையும் நேரத்தை நீடித்துள்ளதாக தென் மாகாண ஆளுனர் அலுவலகம் அறிவித்துள்ளது.

அதன் படி தென்மாகாணத்திற்குட்பட்ட பாடசாலைகள் அனைத்தும் மாலை 2.30 மணிவரை நடைபெற வேண்டும் என ஆளுனர் அலுவலகம் அறிவித்துள்ளது.

தென் மாகாணத்தில் இயங்கும் தேசிய பாடசாலைகளுக்கு இந்த நேர மாற்றம் பொருந்தாது எனவும் தெரிவிக்கப்பட்டுள்ளது.

இன்று மாலை 12.30 மணியளவில் ஆளுனர் அலுவலகம் மாகாணப் பாடசாலைகள் அனைத்திற்கும் தொலைபேசியினூடாக இவ்வறிவித்தல் அறிவிக்கப்பட்டுள்ள போதிலும் இதற்கான காரணத்தை ஆளுனர் அலுவலகம் தெரிவிக்க வில்லை.

இவ்வறிவித்தல் காரணமாக பெற்றார், ஆசிரியர்கள் மற்றும் பாடசாலை வாகன சாரதிகள் உட்பட பலர் பல்வேறு முறைப்பாடுகளை தெரிவித்துவருகின்றனர்.

Read more »

பேஸ்புக்கின் மின்னிலக்க நாணயம் விரைவில் அறிமுகம்

பேஸ்புக்கின் மின்னிலக்க நாணயம் விரைவில் அறிமுகம்

Posted by WeligamaNews on June 28, 2019

பேஸ்புக் நிறுவனம் லிப்ரா எனும் புதிய மின்னிலக்க நாணயத்தை வெளியிடப்போவதாக அறிவித்துள்ளது.

நவீன மின்னிலக்கச் சாதனங்களின் மூலம் மலிவுக் கட்டணத்தில் உலக அளவில் பரிவர்த்தனையை எளிமையாக்குவது அதன் நோக்கமாகும். லிப்ரா, உலகளாவிய புதிய நாணயமாக திகழும் என்று கூறப்படுகிறது.

போஸ்புக் நிறுவனம் அடுத்த ஆண்டு அதை அறிமுகம் செய்யத் திட்டமிட்டுள்ளது

நிதிச் சேவை வழங்கும் லாப நோக்கமற்ற அமைப்புகள், இணைய வர்த்தக நிறுவனங்கள் உட்பட சுமார் 25 பங்காளித்துவ அமைப்புகள் அதில் பங்கெடுத்துள்ளன.

மின்னிலக்க நாணயத்தைச் சேமிக்கவும் செலவிடவும் பரிவர்த்தனை செய்யவும் ஏதுவாக கலிப்ரா என்ற மின்னிலக்க பணப்பையையும் பேஸ்புக் உருவாக்கியுள்ளது.

அந்த நிறுவனத்தின் தகவல் பரிமாற்றச் செயலிகளான மசெஞ்சர், வட்ஸப் தளங்களுடன் கலிப்ரா இணைக்கப்படும். குறுஞ்செய்தி அனுப்பவது எவ்வளவு இலகுவானதோ, அந்த அளவுக்கு பணத்தை சேமிப்பது, அனுப்புவது மற்றும் செலவு செய்வதை இது இலகுவாக்கும்.

உலகெங்கும் வங்கி கணக்கு இல்லாத 170 கோடி மக்கள் மற்றும் அவர்கள் பணப் பரிமாற்றம் மேற்கொள்ளச் செய்யும் செலவுகள் ஆகியவை பற்றி இந்த திட்டம் பற்றிய அறிக்கையில் பேஸ்புக் விபரித்துள்ளது

Read more »

ஐ.எஸ் பெண் உறுப்பினருக்கு ஈராக்கில் 15 ஆண்டுகள் சிறை

ஐ.எஸ் பெண் உறுப்பினருக்கு ஈராக்கில் 15 ஆண்டுகள் சிறை

Posted by WeligamaNews on June 28, 2019

ஈராக்கில் இந்தோனேசியாவைச் சேர்ந்த ஐ.எஸ் பெண் உறுப்பினருக்கு 15 ஆண்டுகள் சிறை தண்டனை விதிக்கப்பட்டுள்ளது. சிறைத் தண்டனை விதிக்கப்பட்ட பெண் ஐ.எஸ்ஸில் உறுப்பினராக உள்ளவரை திருமணம் செய்துள்ளார். இதில் அந்த நபர் அமெரிக்கா நடத்திய வான்வழித் தாக்குதலில் உயிரிழந்துள்ளார். அப்பெண் குறித்த கூடுதல் தகவல் ஏதும் தெரிவிக்கப்படவில்லை.

இந்த நிலையில் ஈராக் நீதிமன்றம் அப்பெண்ணுக்கு 15 ஆண்டுக்கு சிறைத் தண்டனை விதித்துள்ளது.

ஈராக் நீதிமன்றம் இந்த வாரம் பத்திற்கும் மேற்பட்ட ஐ.எஸ் உறுப்பினர்களுக்கு மரணத் தண்டனை விதித்திருப்பதாக அந்நாட்டு ஊடகங்கள் செய்தி வெளியிட்டுள்ளன.
ஈராக் ஐ.எஸ் இயக்கம் மற்றும் தீவிரவாத நடவடிக்கைகளில் தொடர்புடைய சுமார் 19,000 பேரை கைது செய்து சிறையில் அடைத்துள்ளது.

இதில் சுமார் 3,000 பேருக்கு மரண தண்டனை விதிக்கப்பட்டதாக ஏ.பி செய்தி நிறுவனம் கடந்த ஆண்டு செய்தி வெளியிட்டிருந்தமை குறிப்பிடத்தக்கது

Read more »

ரிஷார்ட் இன்று தெரிவுக் குழு முன்னிலையில்...!

ரிஷார்ட் இன்று தெரிவுக் குழு முன்னிலையில்...!

Posted by WeligamaNews on June 28, 2019

உயிர்த்த ஞாயிறு தாக்குதல் தொடர்பாக விசாரணை மேற்கொள்ளும் நாடாளுமன்ற விசேட தெரிவுக் குழுவில், முன்னாள் அமைச்சர் ரிஷார்ட் பதியுதீன் இன்று சாட்சியம் அளிக்கவுள்ளார்.

விசேட தெரிவுக் குழு அமர்வு, நாடாளுமன்ற கட்டடத் தொகுதியில் இன்று பிற்பகல் 2 மணிக்கு ஆரம்பமாகவுள்ளது.

முன்னாள் கைத்தொழில் மற்றும் வர்த்தக அமைச்சரான ரிஷார்ட் பதியுதீன் கடந்த செவ்வாய்க்கிழமை தெரிவுக் குழு முன்னிலையில் பிசன்னமாகிய சந்தர்ப்பத்தில், அவருக்கு மீண்டும் இன்றைய தினம் முன்னிலையாகுமாறு அறிவிக்கப்பட்டது.

ரிஷார்ட் பதியுதீன் கடந்த 26 ஆம் திகதி தெரிவுக் குழு முன்னிலையில் சாட்சியம் அளிக்கவிருந்த நிலையில், குழுவின் மூன்று உறுப்பினர்கள் அந்த சந்தர்ப்பத்தில் பிரசன்னமாகியிருக்கவில்லை.

இதன் காரணமாக முன்னாள் அமைச்சரை மீண்டும் இன்று முன்னிலையாகுமாறு தெரிவுக்குழுவினால் அறிவித்தல் விடுக்கப்பட்டிருந்தது.

இதேவேளை, நாடாளுமன்ற தெரிவுக்குழுவில் முன்னிலையாகுமாறு நாடாளுமன்ற உறுப்பினர் தயாசிறி ஜயசேகரவுக்கும் அழைப்பு விடுக்கப்பட்டிருந்தது

எனினும் தெரிவுக்குழு முன்னிலையில் பிரசன்னமாவதற்கு நாடாளுமன்ற உறுப்பினர் தயாசிறி ஜயசேகர மறுப்பு தெரிவித்துள்ளர்.

நாடாளுமன்றத்தில் நேற்று இடம்பெற்ற அவசரகால சட்டத்தை நீடிக்கும் விவாதத்தில் கலந்து கொண்டு கருத்து தெரிவிக்கையிலேயே அவர் இதனை கூறியுள்ளார்.

இதற்கு பதிலளித்த சபை முதல்வர் லக்ஷமன் கிரியெல்ல இதனை நாடாளுமன்றமே தீர்மானிக்க வேண்டும் என பதிலளித்திருந்தார்.

Read more »

தவறான தலைப்புச் செய்திகளில் இடம்பிடித்துள்ள இலங்கை! -ஜேர்மன் தூதுவர் ஜோர்ன் ரோட்

தவறான தலைப்புச் செய்திகளில் இடம்பிடித்துள்ள இலங்கை! -ஜேர்மன் தூதுவர் ஜோர்ன் ரோட்

Posted by WeligamaNews on June 28, 2019

இலங்கை மீண்டும் தவறான விடயங்களுக்காகத் தலைப்புச் செய்திகளில் இடம்பிடித்துள்ளது’ என இலங்கைக்கான ஜேர்மன் தூதுவர் ஜோர்ன் ரோட் தனது டுவிட்டர் பக்கத்தில் தெரிவித்துள்ளார்


கடந்த ஆண்டு அக்டோபர் மாதத்தில் இலங்கை தலைசிறந்த சுற்றுலாப் பயணத்தளமாகத் தெரிவு செய்யப்பட்ட பின்னர்
இது இலங்கையின் சுற்றுலாப் பயணத்துறைக்கு சிறப்பானதொரு வருடமாக இருந்திருக்க வேண்டும்.என்றும் அவர் தெரிவித்துள்ளார்.

தொடர்ந்து ஏற்பட்ட அரசியலமைப்பு நெருக்கடியினாலும், அதற்குப் பின்னர் இடம்பெற்ற உயிர்த்த ஞாயிறுதினக் குண்டுத்தாக்குதல்களாலும், முஸ்லிம்கள் மீதான வன்முறைகளாலும் அந்த மகிழ்ச்சிக்குரிய செய்தி மறைக்கப்பட்டு விட்டது என்றும் சுட்டிக்காட்டியுள்ளார்.


இதேவேளை, மரண தண்டனையை மீண்டும் அமுல்படுத்துவதன் மூலம் இலங்கை சர்வதேசத்தின் மத்தியில் கொண்டிருக்கக் கூடிய அங்கீகாரத்தை இழக்கும் அபாயம் காணப்படுவதாக ஜேர்மனி எச்சரித்துள்ளது.

நான்கு கைதிகளுக்கு விரைவில் மரணதண்டனை நிறைவேற்றப்படவுள்ளதாக ஜனாதிபதி சிறிசேன பகிரங்கமாக அறிவித்தமை தொடர்பில் வெகுவாக அவதானம் செலுத்தியிருப்பதாக ஜேர்மனியின் ஆளும் சமஷ்டிக் கட்சியின் மனித உரிமைகள் மற்றும் மனிதாபிமான செயற்திட்டங்களுக்கான வெளிவிவகார அலுவலகத்தின் ஆணையாளர் பார்பெல் கொஃப்லர் தெரிவித்துள்ளார்.

Read more »

கடந்த ஐந்து ஆண்டுகளாக தென் மாகாண பாடசாலைக் கல்வித்துறையில் தமிழ் மொழிப்பிரிவு தொடர்ந்தும் புறக்கணிப்பு

கடந்த ஐந்து ஆண்டுகளாக தென் மாகாண பாடசாலைக் கல்வித்துறையில் தமிழ் மொழிப்பிரிவு தொடர்ந்தும் புறக்கணிப்பு

Posted by WeligamaNews on June 26, 2019

2012- 2014 காலப்பகுதியில் வழங்கப்பட்ட தென் மாகாண ஆசிரிய நியமனங்களில் காணப்பட்ட முறைகேடுகளுக்கு எதிராக பாதிக்கப்பட்ட பட்டதாரிகள் நீதிமன்ற உதவியை நாடினர். இவ்வாறு சட்ட ரீதியான உதவியை முஸ்லிம்கள் நாடியமையால் குறிப்பாக முஸ்லிம் பாடசாலைகளுக்கும், பட்டதாரிகளுக்கும் ஆசிரிய நியமனங்கள் வழங்குவது தடைப்பட்டது. இதனாால் பாதிக்கப்பட்டது மாகாண சபைகளினால்  பரிபாலனை செய்யப்படுகின்ற கிராமத்து பாடசாலை மாணவர்களாகும். இதனால் பல மாணவர்கள் தமக்கு பொருத்தமான பாடங்கள் கலைத்துறையிலுல் இல்லை என்று ஒ​ரே காரணத்துக்காக நகர் பாடசாலைக்கு சென்றனர்.

இவ்வாறு இன்னல்களுடன் தென்மாகாண தமிழ் மொழிப்பிரிவு பயணிக்கையில் இறுதியாக இவ்வாண்டு ஏப்ரலில் மாகாண சபை கலைக்கப்பட்டதும் தென் மாகாண ஆளுனர் ராஜித் கீர்த்தி தென்னகோன் அவர்கள் தனது அதிகாரத்தைக் கொண்டு நாட்டில் பதற்றமான சூழ்நிலை காணப்பட்டபோதிலும் தமிழ் மொழிப்பிரிவு பாடசாாலைகளுக்கு  ஒரு மாதகால இடைவௌியில் ஆசிரிய நியமனங்களை வழங்கினார். இது வரவேற்கத்த விடயமாகும். ஆனால் அதன் பின்னர்தான் மறு பிரச்சி​னை ஆரம்பமாகிறது.

கடந்த ஐந்து ஆண்டுகளாக கல்வி கற்கும் உரிமை மறுக்கப்பட்ட  மாணவர்களுக்கு கற்பிக்கவேன வழங்கப்பட்ட ஆசிரிய நியமனங்களை அவதானித்தால் சிலருக்கு  பிரயாணத்திற்கு கஷ்டமான  தூரபிரதேசங்களில் கிடைக்கப்பெற்றது. தொழிலொன்றை  மேற்கொண்ட வண்ணம் விண்ணப்பித்த சிலருக்கும் ஆசிரிய நியமனம் கிடைத்தது. பெண் ஆசிரியர்களில் சிலருக்கு நியமனம் கிடைத்த பின்னர் கணவன் அல்லது ஆண் உறவினர்களால் நியமனத்தை பெற வேண்டாம் என்ற தடை பிறப்பிக்கப்பட்டது.

மேற்படி காரணங்களால் நியமனம் கிடைத்த சில ஆசிரியர்கள் பாடசாலைகளுக்கு சமூகமளித்து  தமது பொறுப்புக்க​ளை ஏற்றுக் கொள்ளவில்லை. மீண்டும் இதனால் பாதிக்கப்பட்டது மாணவச் சமூகம் என்பது மறுக்க முடியாத உண்மையாகும். அடுத்தாக தொடர்ந்தும் ஆசிரிய  நியமனம் மூலம் சமூக சேவை செய்யனும் என எதிர்பார்க்கும் பட்டதாரிகளாகும்.

பல ஆண்டுகளாக ஆசிரியர் இல்லையென்ற  மாணவர்கள், இன்று நமக்கு புதிய ஆசிரியர் வருவார் என நம்பிக்கையுடன் பாடசாலைக்கு  சென்றனர். ஆனால் அன்றும் புதிய ஆசிரியர் பாடசாலைக்கு வரவில்லை. இதனால் அந்த மாணவர்களின் கனவுகளும் தொடர்ந்து கனவாக உள்ளது. என்பது கவலையான விடயமாகும்.

தென் மாகாணத்திலும், ஏனைய பிரதேசங்களிலும் இவ்வாறு அரசியல் தொழில்களுக்கு விண்ணப்பிப்போருக்கு பணிவான வேண்டுகோள் தமக்கு ஏற்கனவே தொழில்  இருந்தால், கஷ்ட பிர​தேசங்களில் தொழில் செய்ய விரும்பாவிடின், தனது கணவன் அல்லது ஆண்  உறவினர்களால் தொழிலை ஏற்க வேண்டாம் என தடையெனின் வீணாக விண்ணப்பித்து பிறருக்குள்ள வாய்ப்புகளை பறிக்க வேண்டாம்.

பட்டதாரிகளே! "கற்பவனாக இரு கற்பிப்பவனாக இரு கற்பவனுக்கு உதவுபவனாக இரு நான்காமவனாக இருந்து விடாதே....!!! (ஹதீஸ்)" என்ற நபிமொழிக்கேற்ப ஆசிரியர் நியமனம் கிடைத்தும் தொழிலை ஏற்காமல் நான்காமவனாக இருந்து விடாதே....!

Ibnuasad

Read more »